MCI Konsolida Forsa Interna Atu Haree Oportunidade no Dezafiu Servisu

Hatutan.com, (04 Jullu 2024), Díli—Ministériu Komérsiu no Indústria (MCI), Kinta (04/07/2024), iha Timor Plaza, realiza semináriu ka workshop hodi konsolida forsa traballu interna ministériu nian hodi haree dezafiu  no oportunidade.

Lee Mós: STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran

Funsionáriu sira MCI nian partisipa iha semináriu hodi haree bá forsa taballu internál, Kinta (04/07/2024). Foto/Tome da Silva

Semináriu ne’e ho  tema “Vizualizasaun Internu MCI Entre Oportunidade no Dezafiu Governasaun iha Integrasaun Global-Regional.”

Ministru Komérsiu no Industria (MCI), Filipus Nino Pereira  hateten  seminariu ne’e atu halao vizualizasaun internal hodi bele haree oportunidade no dezafius iha integrasaun ekonomiku ne’ebe halo ona atu bele konsolida mós forsa interna ministériu nian  hodi  haree, katak progresu ne’ebé mak atinji iha sira-nia koperesaun ekonomiku iha rai-laran, inklui Organizasaun Mundiál Komérsiu (OMK), prosesu adezaun bá ASEAN.

“Ita tenke prepara ita-nia an atu bele asumi responsabilidade koletiva, katak ita prepara rekursu umanu hodi bele iha koñesimentu bá progresu ne’ebé mak agora la’o, ita bele dehan ne’e hanesan polítika Estadu nian hodi loke ita-nia atividade komersiu iha rai-laran ka iha rai-li’ur,” Ministru Filipus Nino Pereira informa.

Nia hateten  prosesu industralizasaun ne’ebé tenke hakat ba oin mak alinamentu ho liña ministeriál seluk, ne’ebe ho sektoralmente  katak importante iha posibilidade hanesan iha setór agrikultura, turizmu, minerál,  konstrusaun sivíl ho kultura.

“Ne’e importante liu hodi ita bele aproveita, politika dezenvolve ba diversifikasaun ekonomiku, kriasaun empregu hodi kontribui bá dezenvolve  ekonomia,” Ministru Nino Pereira hateten.

Jornnalista Estajiaria: Dircia Xiimenes