Diresaun Jerál Indústria Halo Diseminasaun Lisensiamentu Setór Indústria

Hatutan.com, (05 Jullu 2024), Díli–Diresaun Jerál Indústria, Ministériu Komérsiu no  Insdústria (MCI), Sesta (05/07/204), iha Otél Timor, halo hela diseminasaun informasaun kona-bá lisensiamentu setór industria  ne’ebé refelta iha Dekretu-Lei númeru 91/2023 kona-bá Baze bá Indústria.

Lee Mós: Governu Aprova Projetu Rezolusaun bá Estabelesimentu Polítika Nasionál Dezenvolvimentu Indústria

Diretór Jerál Indústria MCI Martins Magno. Foto/Espesiál

Diretór Jerál Indústria MCI Martins Magno, informa  Dekretu-Lei númeru 91/2023 (Bases da Indústria) promulga ona husi Prezidente Repúblika no daudaun ne’e  ekipa halo hela diseminasaun hodi hein fali diploma ministeriál ida kona-bá regulamentu  ba atividade visturia nian.

“Ami sei iha faze diseminasaun ba partilla informasaun ba ita-nia komunidade no  ba ita-nia emprezáriu sira  hodi bele iha koñesimentu  oinsá mak ita bele hasai lisensa atividade ne’ebe mak iha relasaun ho indústria nian,”  Martins Magno hateten.

Martins Magno mós haktuir kona-ba parke indústria ne’ebé Governu harii iha Maubara ho Liquiça iha hela estudu viabilidade.

“Agora daudauk ne’e sira iha hela faze aprezentasaun final report katak husi kompañia ne’ebe  mak halo estudu ne’e, sira sei aprezenta  relatóriu final hodi nune’e  bele finaliza ona, nune’e bele hahú halo fatin ba parkie indústria,” Nia  hateten.

Hafoin aprezenta final report nune’e bele kontinua ba loke konkursu ba kompañia sira ne’ebe mak sei servisu ba parte estrada, ba bee-moos nian no seluk tan.

Jornalista: Leopoldina de Carvalho