Nasionál
Ekipamentu IGEADE Sufisiente Atende Emerjénsia iha Tempu Udan
Hatutan.com (08 Janeiru 2025), Díli– Prezidente Instituisaun Jestaun Ekipamentu no Apoiu Dezenvolvimentu Infraestrutura (IGEADE,I.P), Ana Paula da Cruz hateten IGEADE iha ekipamentu pezadu sufisiente atu atende situasaun emerjénsia iha tempu udan.
Ekipamentu Pezadu. Foto/Dok
“Situasaun emerjénsia ne’e servisu rutina IGE nian kada tinan bainhira tempu udan. Ita iha kombustivel, mákina iha operadór bainhira ita rona situasaun emerjénsia iha ne’ebé populasaun husu ita tenke tuun bá terrenu,” Ana Paula da Cruz informa bá jornalista sira hafoin halo enkontru ho Komisaun E-PN iha sala konferénsia PN, Kuarta (08/01/2025).
Provisioramente IGEADE la aluga ekipamentu husi kompañia sira, tanba iha ekipamentu sufisiente. Nia hateten kona-bá problema estrada no ponte sira ne’ebé membru Parlamentu Nasionál sira levanta iha plenária ezemplu hanesan iha Munisipiu Viqueque ponte balu IGEADE rezolve no normaliza ona.
Jornalista Estajiária: Zita Menezes