Edukasaun
Ministériu Edukasaun Sei Konstrui Sala Aula 1050
Hatutan.com (31 Janeiru 2025), Díli-Ministra Edukasaun, Dulse de Jesus, informa iha mandatu IX Governu Konstitusionál nian durante tinan-lima sei konstrui sala aula 1050.
Ministra Edukasaun, Dulse de Jesus . Foto/Tome da Silva
Iha tinan 2025, Ministériu Eedukasaun husi kapitál dezenvolvimentu iha purvolta projetu 14 no tuir kakulu sie estabele sala aula 40-liu, maibé tuir dadus Ministériu Edukasaun nian presiza halo tán sala aula 1900.
“Programa IX Governu Konstitusionál iha ne’ebá ita hatuur katak durante tinan-lima nian laran ita sei konstrui sala aula 1050,” Ministra Edukasaun Dulse de Jesus bá jornalista sira hafoin halo enkontru ho Prezidente Parlamentu Nasionál, Maria Fernanda Lay iha PN, Sesta (31/01/2025).
Membru Governu ne’e afirma orsamentu ne’ebé alokadu bá Ministériu Edukasaun iha tinan ida-ne’e ladún boot, maibé tinan oin hodi bá oin ME sei prepara nafatin planu infraestrutura.
Jornalista Estajiária: Zita Menezes