Ró Militár Fransa Nian Atraka Emerjénsia iha Portu Díli

Hatutan.com, ( 07 Fevereiru 2025), Díli–Ró militar ho marka Vendémiaire hosi Fransa, Sesta (07/02/2025), atraka emerjénsia iha Portu Díli.

Ró militar ho marka Vendémiaire hosi Fransa atara iha Portu Díli. Foto/Leopoldina de Carvalho

Ró ne’e tenke atraka lalais tanba iha nesesidade ne’ebé tenke atende, liuliu atesta kombustivel no  haree mós ró nia kondisaun.  Ho nune’e, ró refere sei kontínua operasaun ka patróli  bá illa seluk iha loron Domingu, 09 fulan-Fevereiru ne’e.

“Sira mai Timor atu review sira-nia ró no atesta kombustivel depois sira kontínua sira-nia servisu patroli iha rejiaun seluk,” Jerente komersial ajensia Austrália National Line (ANL) Shipping and Company,  Tiago Graças informa ba jornalista sira.

ANL nu’udár ajensia ne’ebé  suporta no halo koordenasaun durante ró ne’e atraka iha Portu Díli, nune’e  sira bele halo sira-nia servisu di’ak hodi kontínua la’o ba destinasaun tuir mai.

Ró militar Vendémaire atraka iha Portu íili iha  tuku 08:41 dader (Oras Timor Leste) ho total crew ne’ebe iha ró laran na’in-104.

Livre Taxa

Vogal I  APORTIL, Julio Saldanha Barreto hateten,  bainhira ró seluk, la’ós ró militár nian mak atraka iha Portu Díli sei aplika taxa, maibé ba ró militár sira-nian sei la aprika taxa tanba iha ona akordu.

Julio esplika bainhira  ró komersialidade hanesan Kruzeiru mak mai atraka prosesu sei la’o normal katak Autpridade Portu Timor-Leste  (APORTIL) halo sumariu total kontajen no haruka ba ajensia hodi halo pagamentu taxa.

Kada loron ba ró sivíl sira ne’ebé atraka iha Portu Díli bele kontribui reseita ba kofre Estadu $6000  kada ró.

Jormalista: Leopoldina de Carvalho