António “Kalohan”, Embaixadór Timor-Leste ba Suisa

Hatutan.com, (11 Fevereiru 2025), Díli- Sekretáriu Jerál Partidu Demokrátiku (PD), António da Conceição “Kalohan”,  Kuarta (12/02/2025), hale’u tuku 10:00 dadeer (Oras Timor-Leste) simu posse hosi Prezidente Repúblika, José Ramos-Horta nu’udár  Embaixadór Estraordináriu no Plenipotensiadu dezignadu ba Suisa ne’ebé rezidente iha Jenebra.

Lee Mós: Tribunál Rekursu Absolve António “Kalohan” Hosi Pena Prizaun Tinan-Lima

António Conceição “Kalohan”. Foto/dok.Espesiál

Ba jornalista sira iha Palásiu Prezidensiál, Tersa (11/02/2025), Prezidente Repúblika, José Ramos-Horta, hateten lolos Embaixadór António da Conceição “Kalohan” simu pose ona maibé tamba kondisaun saúde la permite entaun husu deskulpa no muda.

Xefe Estadu rasik ko’alia ho Embaixadór Suisa iha Jakarta, no nia mak mai iha ne’e semana kotuk liu ba, antes Prezidente Repúblika ba Abu Dhabi hodi ko’alia ho nia buat hotu-hotu prontu nune’e Embaixadór bele arranka.

Ramos-Horta subliña mós katak Embaixadór ba nasaun barak mak seidauk nomeia tamba ne’e sei halo servisu hotu ho másimu atu nomeia iha tempu sira tuir mai.

“Falta Embaixadór balun, hanesan Angola tenke nomeia lalais Embaixadór Angolla, tenke nomeia Embaixadór foun ba Portugál, ba Japaun, Bruxelas portantu sidade barak ne’ebé seidauk iha Embaixadór foun ne’e urjente,” Ramos-Horta hateten.

Jornalista: Vito Salvadór