Tempu Ona Atu Aprende Husi Esperiénsia

Hatutan.com, (20 Marsu 2025), Díli– Sekretáriu Jerál Partidu FRETILIN Mari Alkatiri hateten, tempu ona atu lider polítiku hamutuk hodi aprende husi Timor-Leste nian restaurasaun  Independénsia durante tinan-23 (20 Maiu 2002-2025) hodi dezenvolve Timor-Leste ho di’ak liután.

Lee Mós: Alkatiri Konsidera OJE 2025 Billaun $2,6 Hamosu Presipísiu Fiskál

Sekretáriu Jerál partidu FRETILIN,  Mari Alkatiri. Foto/Elio dos Santos da Costa

“Ita iha konsiénsia atu aprende husi ita-nia aan rasik tanba ita restaurasaun independénsia iha loron 20 fulan-Maiu 2002 mai to’o agora e tinan-23 ona no  tempu ona atu ita bele estuda husi ita-nia esperiénsia rasik saida mak ita halo loos no saida mak ita halo laloos,” Fundadór RDTL Marí Alkatiri hateten  liuhosi konferénsia imprensa ne’ebé hala’o iha  nia edifísiu eis-titular, Faról, Díli, Kinta (20/03/2025).

Nia afirma tenke aprende husi esperiénsia povu seluk nian, saida mak halo di’ak  kontinua saida mak ladi’ak bele hadi’a no haburas ne’e mak polítiku ida konsiente.

“Durante tinan-23 ne’e ita halo hotu buat di’ak ka ladi’ak ita hakarak halo buat di’ak, maibé rezultadu mak ladi’ak, ita bele aprende hamutuk, ne’e mak ha’u la buka ema nia sala, ha’u mai para ita hafanun no mai tuur hamutuk haree hamutuk para ida  loos ona ne’e ita haburas no hametin,” Alkatiri afirma.

Mari Alkatiri mós hateten tán katák “Saida mak laloos kurize,  saida mak  halo hanesan ema ida halo loos ka laloos ne’e koletivu no importante tebes, lakohi aprende husi ema seluk tanba  ego no  hanoin nia mak hatene de’it pelemenus aprende husi esperiénsia rasik.

Sekretáriu Jerál Partidu FRETILIN ne’e mós hato’o mensajen bá joven Timoroan sira katák nia sei hamutuk ho joven sira hodi bele asesu ba edukasaun no saúde ida di’ak liután.

Hakarak ko’alia bá joven hakarak fó garante bá sira katák ha’u sei hamutuk nafatin ho sira to’o loron ida sira bele hetan edukasaun no Saúde ida ké di’ak no Dezenvolvimentu.

“Ha’u nian mensajen hotu bá ha’u nia oan bei-oan sira iha Timor-Leste tomak katak ha’u sei hamutuk nafatin ho sira atu kore povu tomak husi mukit no ki’ak,” Alkatiri hateten.

Jornalista Estajiária: Zita Menezes