Governu Respeita Desizaun Tribunál La Halo Estradisaun Bá Fujitivu Teves Jr

Hatutan.com, (21 Marsu 2025), Díli- Ministru Justisa, Sergio Hornai hateten Governu respeita desizaun Supremu Tribunál Justisa (STJ) ne’ebé la halo estradisaun bá fujitivu Arnolfo Teves Jr.

Lee Mós: Justisa Timor-Leste Deside La Estradita Fujitivu INTERPOL Arnolfo Teves Jr

Ministru Justisa, Sergio Hornai. Foto/Zita Menezes

Ministru Justisa Sergio Hornai hateten tenke respeita bá iha kontituisaun RDTL tanba Timor-Leste hanesan estadu orgaun soberánia no país ida indepedente tenke respeitu bá  lei sira.

“Tanba ita-boot sira hatene katák Repúblika Demokratika Timor-Leste orgaun soberánia unitáriu indepedénsia nia iha nia povu soberánia propriu atu bele garante ninian interese lejitimu bá iha ninia sidadaun sira tantu sidadaun orijinaria no mós sira ne’ebé mai rejide iha teritoriu Timor-Leste,” Sergio Hornai hateten bá jornalista sira iha Ministériu Finansa, Sesta (21/03/2025).

Nia afirma presiza iha protesaun bá sira tanba Timor-Leste mós hola parte iha membru estadu Nasoins Unida (ONU) nian tenke haree bá konvesoins internationál nian tanba Estadu Timor-Leste iha direitu estadu ida demokratiku respeita bá iha direitu umanu entaun  laiha razaun para atu bele hasai ema nian vida para mais  Timor-Leste la rekoñese kona-bá peña morte.

“Ita la haree kona-bá prizaun prepeitu, ita la hanoin kona-bá oinsá halo presigisaun politíka bá iha ita-nia sidadaun sira, ita lakohi atu bele halo tratamentu ida kuél bá sidadaun sé de’it konserteza ita tenke respeita bá iha ita nian kontituisaun,”Nia Afrima.

Ko’alia kona-bá extradisaun  iha artigu 35 iha ne’ebá hateten bainhira mak  bele halo extradisaun bá ema ruma bainhira nia komete infrasoens kriminál ruma no hatete katák tenke iha desizaun definita husi tribunál

“Nune’e ha’u hakarak orieta ita-boot sira katák relasiona ho Arnold Teves Jr ita tenke respeita bá iha desizaun tribunál ninian tanba iha artigu 118 ita nian kontituisaun RDTL tribunál nian desizaun ne’e prevelese bá iha orgaun estadu nian tomak bainhira iha letizu no iha kazu konkretu ne’ebé mak mosu tribunál nian desizaun ita tenke halo kumprimentu ne’e hanesan imperativu no tenke respeita no tenke tau aas liu soberánia iha estadu ninian oin,”Dehan Ministru Sergio Hornai.

Jornalista Estajiária: Zita Menezes