Justisa & Krime
Ministériu Públiku Sei Halo Destroisaun Ba Droga Kilograma 2,094 ho Tipu Kokaína
Hatutan.com, (16 Novembru 2025),Díli—Ministériu Públiku liuhosi Gabinente Sekretáriu Jerál Prokuradór Jerál Repúblika (PGR-sigla portugés) sei halo destroisaun bá materiál droga ho tipu Kokaína hamutuk kolograma 2,094.
Matéria droga ho tipu kokaína ne’ebé MP sei hla odestroisaun iha HNGV, Segunda (17/11/2025). Foto/Espesiál
Tuir informasaun ne’ebé Hatutan.com simu husi fonte Ministériu Públiku (MP) iha Sabádu (15/11/2025), katak destroisaun bá matéria droga tipu kokaína ne’e sei hala’o iha Ospitál Nasionál Guido Valadares, Segunda (17/11/2025), tuku 07:00 dader to’o remata.
Matéria droga ho tipu kokaína hamutuk kilograma 2,094 asegura hela iha Gabinente Sekretáriu Jerál Prokuradór Jerál Repúblika nu’udár rezultadu husi kazu kriminál trafíku droga ne’ebé prende husi autoridade seguransa iha tinan sira liubá, no agora prosesu judisiál kompletu ona tuir prosedimentu legal, nune’e destroisaun presiza halo tuir lei.
Jornalista : Marcelino Tomae