Ramos-Horta ho Papa Leão XIV Ko’alia Situasaun Timor-Leste no Mundu

Hatutan.com, (24 Novembru 2025), Díli- Prezidente Repúblika, José Ramos-Horta ho Papa  Leão XIV iha Vatikanu  ko’alia kona-bá situsaun Timor-Leste nian no mós situasaun mundu nian.

Prezidente Repúblika, José Ramos-Horta. Foto/Zita Menezes

Xefe Estadu Timor-Leste  ho delegasaun, Segunda (24/11/2025), to’o hikas Timor-Leste hafoin vizita Estadu ba Vatikanu hodi halo sorumutuk ho Papa Leão XIV hodi hato’o situasaun Timor-Leste nian no ko’alia mós situasaun sira iha mundu.

Iha loron 09-11 fulan-Setembru Amu Papa Francisco halo vizita apostoliku ida mai Timor-Leste, oinsá povu Timor-Leste simu Papa Francisco. Ramos-Horta fó sasin katak, Papa Leão XIV ema simples hanesan Papa Francisco no la’o tuir Papa Francisco nia tradisaun, hanorin no mensajen sira.

“Ha’u bá ne’ebá nu’udár xefe estadu, ne’e duni iha mundu ne’e xefe estadu barak la’ós de’it rai estadu ne’ebé maiória katolikú, rai hotu-hotu iha mundu katolikú, musulmanu, hindu, no rai seluk mós sira nian xefe estadu mós bá halo  vizita estadu bá Santasé hodi aprezenta kumprimentu bá Papa Leão XIV,” Prezidente Repúblika Ramos-Horta  hateten.

Xefe Estadu ne’e afirma bainhira  Papa Leão XIV hetan korvasaun,  Prezidente Repúblika ko’alia kedan ho nusiatura para  halo vizita estadu para aprezenta kumprimentu, nu’udár estadu ida 99 % relijiaun katóliku hodi bá iha ne’ebá hasoru malu ho Papa Leão XIV  no enkontru kuazé minitu 30 iha momentu ne’ebá.

“Ami ko’alia kona-bá situasaun iha Timor-Leste, Papa Leão XIV hatene di’ak liután tanba Santasé nia informasaun 100%, situasaun ne’ebé iha mundu, liuliu iha igreja ruma nusiantura ruma sira informadu di’ak tebe-tebes, ne’e duni ha’u lalika iha minutu 10 ka 20 ko’alia kona-bá Timor-Leste tanba nia hatene,” Ramos-Horta hateten.

Prezidente Repúblika afirma iha enkontru ne’e ko’alia mós kona-bá situasaun internasionál mós, tanba hotu-hotu lee stagment mai husi vatikanu santasé nian média Vatican News akompañia amu Papa  nia liafuan bele iha facebook no instragram, rona amu Papa nia ko’alia mós kona-bá situasaun iha Gaza Palestina, Myanmar  no Sudaun.

Prezidente Repúblika  José Ramos-Horta ho delegasaun ne’ebé fila husi Vatikanu simu direta husi reprezenta  mak Vise-Primeiru-Ministru Mariano Assanami Sabino no mós funsionariu no estudante sira, povu baibain no mós to’o iha resintu Palásiu Presizdensiál simu mós husi Primeiru-Ministru Kay Rala Xanana Gusmão.

Jornalista: Zita Menezes