Xanana Nunka Lakon Esperansa Atu Greater Sunrise Mai Timor-Leste

Hatutan.com, (24 Novembru 2025), Díli—Primeiru-Ministru (PM), Kay Rala Xanana Gusmão, nunka lakon esperesan no nia mós husu ba povu atu la bele lakon esperansa kona-bá esforsu sira dada kadoras Greater Sunrise mai rai-maran Timor-Leste.

Lee Mós: 2032, Greater Sunrise Prodús Mina no Gas

Primeiru-Ministru Kay Rala Xanana Gusmão. Foto/Dok

Liuhosi konferénsia impresan  iha ámbitu abertura simeira  da da-lima Timor-Leste no Petróleu ne’ebé hala’o iha  JL World , Díli, Segunda (24/11/2025), Komandante Ein-Xefe FALINTIL ne’e, klarifika kona-bá  Greater Sunrise kleur atu mate, tanba ne’e Governu buka  kompriende  to’o bá  haree tiha ona dada kedas.

Xefe Governu ne’e afirma, atu hasai de’it bee bá populasaun, ne’ebé presiza mós presiza estudu didi’ak , haree bee ne’e boot to’o  iha ne’ebé,  dada demora  fó família hira  ne’e iha Timor-Leste rasik,  kuantu mais Greater Sunrise  ne’ebé iha Governu Austrália nia sorin.

Xanana esklarese prosesu Greater Sunrise ne’e la bele hanoin katak fasil, difisil   tebestebes buat ida-ne’ebé  hotu-hotu involvidu bá iha interese ne’e, la’ós   to’o ne’ebá  asina dada kedas mai Timor-Leste.

“Ha’u husu bá Povu tomak  sei iha funu-laran ema mate bebeik, ita la lakon esperansa, tinan 24 maka ita bá vota ita manán, ita laduni inimígu ho kilat, ita bá vota ho pregu maka inimigu sai husi ne’e, mais antes sira sai mós sobu rahun rai  ida-ne’e mós ita lalakon esperansa, favór ida, ita labele lakon esperansa mós,” Xanana afirma.

Iha fatin hanesan, Ministru  Petróliu Rekursu Minerais, Francisco da Costa Monteiro hateten, Governu nia esforsu sira la’o tiha ona, sei kontinua  luta bá prosesu Greater Sunrise maka’as liután.

“Agora ne’e prosesu la’o tiha ona, ita kontinua dudu, esforsu la’o nafatin, ha’u hanoin ida-ne’e ita nia esforsu ne’ebé iha momentu  ita la’o tiha ona,” nia dehan.

Jornalista: Marcelino Tomae