CAC Rekolla Komputadór, Telemovel ho Karreta Rua iha Rezidénsia Direjente Timor Gap ho Inisiál AC

Hatutan.com, (17 Dezembru 2025), Díli–Ekipa konjunta ne’ebé  kompostu husi Unidade Servisu Informasaun Seguransa ho Servisu Investigasaun Kriminál Komisaun Anti-Korrupsaun (CAC-sigla portugés) halo buska no apreensaun  ba rezidénsia privadu dirijente Timor Gap, Empreza Públika  (Timor Gap,E.P) ho inisiál AC konsege rekolla  ekipamentu sira hanesan komputadór, telemovel no karreta rua.

Lee Mós: CAC Halo Buska Bá Dirijente Timor Gap ho Inisiál AC

Karreta rua husi jerente Timor Gap, E.P ho inisiál AC ne’ebé CAC halo buska no apreensaun. Foto/Marcelino Tomae

Komisáriu Adjuntu CAC ba asuntu Investigasaun Kriminal, Alvaro Maria Freitas bá Hatutan.com  liuhusi telfefonika, haktuir  buska  no aprensaun ne’ebé maka halo  bá  direjente Timor Gap, E.P nia rezidénsia privadu iha área Suku Comoro, Postu Administrativu Dom Aleixo, Munisípiu Díli, bazeia  bá  mandadu husi Tribunál  nian  liu-husi Juis prosesu ordena bá CAC.

“Unidade rua  komostu husi  unidade servisu informasaun seguransa, ho  servisu Investigasaun Kriminál CAC nian  ho susesu duni iha buska no apreensaun bá iha  suspeitu AC nia rezidénsia hodi rekollla evidensia lubuk ida ha’u  labele temi ida-idak tanba sasán barak, maibé hanesan  dokumentu, material  sira  makakKomputadór,  inklui ho karreta rua,” Komisáriu Adjuntu CAC ba asuntu Investigasaun Kriminal, Alvaro Maria Freitas hateten.

Nia dehan, Direjente Timor Gap ne’e nu’udar  suspeitu koopera  ho Servisu Investigasaun CAC ninian,  konsitui bá krime,  partisipasaun ekonómiku no negósiu.

Nia subliña,  prezensa CAC halo buska ho apreensaun ne’e, suspeitu partisipa  no lori bá CAC no  tutela bá Tribunál, bazeia bá formasaun sira ne’ebé CAC produs.

Nia esplika, tuir regras prosesuais sira ne’e,  hafoin CAC rekollla objetu sira ne’e sei remete bá Ministériu Públiku, no aprezenta  bá Tribunál hodi halo armonizasaun bá  evidensia sira ne’ebé CAC rekollla.

Nia dehan, tanba ne’e tribunál intende katak, nesesidade duni  atu rekollla tan prova ka evidensia ruma, liu-husi buska no apreensaun ne’e. Tanba ne’e, CAC sei analizé objetu sira ne’e, hodi  aprenzenta bá Ministériu Públiku.

Jornalita: Marcelino Tomae