Governu Arkiva Rekrutamentu PNTL 2025 no Orienta Loke Prosesu Foun

Hatutan.com, (19 Marsu  2026), Díli– Governu  anula rekrutamentu kedetes Polísia Nasionál Timor-Leste (PNTL) 2025 no orienta loke prosesu rekrutamentu foun.

Lee Mós: Manifestasaun Hasoru Ministru Interiór Rezulta Na’in-hitu Kanek

Primeiru-Ministru Kay Rala Xanana Gusmão. Foto/Zita Menezes

“Reuniaun Konsellu Ministru, Kuarta-feira, 18 Marsu 2026, hodi haree mós ba manifestasaun kadetes PNTL sira no ami bolu husi Polísia Austrália, Portugal no mós partisipasaun sosiédade sivíl nian, ami ba haree didi’ak fali prosesu tomak rekrutamentu PNTL ne’ebé provoká kontestasaun barak, maka ami haree katak di’ak liu loke fila-fali rekrutamentu foun,” Primeiru-Ministru Kay Rala Xanana Gusmão, informa  ba jornalista sira  hafoin enkontru semanál ho Prezidente Repúblika, José Ramos-Horta iha Palásiu Prezidensiál, Kinta (19/03/2026).

Xanana hateten, prosesu rekrutamentu uluk ne’ebé sai polémika no hamosu demostrasaun hasoru Ministru Interiór, Francisco da Costa Guterres ne’e, Governu arkiva tiha ona no avansa ba rekrutamentu foun ho faze tolu mak hanesan, faze dahuluk iha prosesu rekrutamentu ne’e, se mak lakon elimina kedas, faze tuir mai mos lakon sai tuituir kedas no faze terseiru sé mak lakon mós sai hodi buat hotu bele transparánsia no justu.

Jornalista: Zita Menezes