Hatutan.com, (20 Janeiru 2022), Díli—Governu liuhosi Ministériu Edukasaun Juventude no Desportu (MEJD), iha Kinta 20 Janeiru, ofisialmente fó-sai rezultadu ezame nasionál, ne’ebé antes ne’e estudante hosi Eskola Ensinu Báziku Sentrál (EBC) no Ensinu Sekundária sira partisipa iha territóriu nasionál.
Hosi númeru estudante ne’ebé aprovadu iha ezame nasionál ne’e hamutuk 29.685 mai hosi Ensinu Báziku no Ensinu Sekundáriu Jerál hamutuk 21.567.
Estudante na’in 18 ne’ebé la pasa ka reprovadu, na’in 14 hosi Ensinu Báziku no na’in-haat seluk, hosi Ensinu Sekundáriu.
Vise Ministru Edukasaun Juventude no Desportu (MEJD), António Guterres informa, totál estudante sira hosi ensinu báziku nian hamutuk 𝟑𝟏.𝟏𝟒𝟑.
Maibé, estudante finalista iha 29.699 mak partisipa ezame nasionál no 1.444 mak la tuir ezame nasionál ka auzente.
“Aprovadu 29.685 (𝟗𝟗,𝟗𝟓%). Reprovadu na’in 14 (𝟎,𝟎𝟓%),” Vise MEJD, António Giterres anunsia rezultadu nasionál ba tinan 2021, iha Salaun Konferénsia MEJD, Vila-Verde, Dili, Kinta (20/01/2022).
Totál estudante hosi Ensinu Sekundáriu Jerál sira territóriu TL, hamutuk 22.223. Maibé, estudante finalista hamutuk 21.571 mak tuir ezame nasionál no 652 mak la partisipa.
“Apro𝚟𝚊𝚍u 𝟮𝟭,𝟱𝟲𝟳 (𝟵𝟵,𝟵𝟴%). Repr𝚘𝚟𝚊𝚍𝚞 𝟰 (𝟬,𝟬𝟮%),” António Guterres, subliña.
Jornalista: Rogério Pereira Cárceres
