Arguidu sira ne’ebé komete krime Perturbasaun Orden Públika, Ofensa Korporál Grave, Obstrusaun bá Autoridade no Dano ho Violénsia ne’e akontese iha área Bidau Akadiru-hun, Díli, Segunda (05/09/2022).
Polísia lori arguidu sira bá kumpre prizaun preventiva iha Prizaun Becora, Kinta (08/09/2022). Foto/Elio dos Santos da Costa
Marino da Cruz de Jesus, advogadu privadu ne’ebé fó asisténsia legal ba arguidu sira konsidera desizaun ne’ebé tribunál aplika bá nia kliente sira ne’e, tanba arguidu sira komete, sai kazu ida nasionál, tanba halo populasaun sira sente pániku (ta’uk), no krime tolu mak hanesan krime Ofensa Gráve, (artigu 146), Dano Com Violénsia, ho Obstrusaun ba Autoridade Públika.
“Ho nia moldura pena ne’e, dois até oito anos hodi nune’e tribunál aplika prizaun preventiva ba iha arguidu na’in-haat,” Advogadu Marino da Cruz de Jesus, hateten.
Prte defeza sei hein despaxu hosi tribunál, ho prazu tempu durante loron 15, atu halo rekursu kontra despaxu ne’ebé mak hatún hosi Juiza titular Maria Solana foti.
Advogadu fó razaun katak parte defeza sei halo rekursu, tanba nia kliente balu la envolve direta iha konfrontu ne’e, kliente ida hela tiha iha Laulara, depois mak autoridade polisiál sira bá halo kapturasaun hodi lori ba aprezenta hotu iha Komandu PNTL.
Advertisement
Tuir dokumentu video ho fotografia ne’ebé viral iha média sosiál Facebook iha arguidu ida mak envolve direta, na’in-rua seluk bá partisipa de’it serimónia funerál matebian José Bernardo nian iha Semitériu Públiku Becusse, hafoin ida ne’e, sira mós fila kedan bá uma.
“Ho razaun sira ne’e mak hosi parte defeza haree katak, atu hatama rekursu iha prazu loron 15 nia laran. Parte defeza haree katak, desizaun ne’e ladún justu,” Advogadu Marino da Cruz de Jesus, hateten.