Defeza & Seguransa
Servisu Operasaun Konjunta Detein Autór Ne’ebé Ameasa Autoridade Defeza Iha Média Sosiál
Hatutan.com, (13 Setembru 2022), Díli— Servisu Operasaun Konjunta kompostu hosi Servisu Informasaun Polísia (SIP) no Servisu Informasaun Militár (SIM) Kaptura sidadaun na’in-rua ne’ebé lansa propaganda hodi halo ajitasaun no ameasa ba autoridade Defeza no Seguransa iha média sosiál.
Servisu Operasaun Konjunta kompostu hosi Servisu Informasaun Polísia (SIP) no Servisu Informasaun Militár (SIM) Kaptura sidadaun na’in-rua ne’ebé lansa propaganda hodi halo ajitasaun no ameasa ba autoridade Defeza no Seguransa iha média sosiál. Foto/PNTL.
Sidadaun na’in-rua ne’e ho naran Inisiál DR hela iha suku Holsa, Munisípiu Bobonaro no ida seluk ho inisiál RS hela iha Aimutin, Díli no autoridade kaer iha área OB Aimutin nian.
Lee Mós: PNTL Detein Sidadaun Na’in-rua ‘Sadik-Malu’ Iha Média Sosiál
“Agora daudaun sidadaun na’in-rua ne’e submete hela ba prosesu investigasaun iha Servisu Investigasaun Komandu PNTL Munisípiu Bobonaro no Servisu Investigasaun Kriminál Nasionál (SIKN),” Hatutan.com sita komunikadu, Tersa (13/09/2022).
Antes ne’e públiku espalla iha média sosiál lia-fuan ameasa ne’ebé hakerek hosi sidadaun ho naran facebook Ramos Eltrausme ho lia fuan, “22 Timor laran ne’e mak hamriik hotu ne’e instituisaun hanesan FDTL ho PNTL la halo no ami hú moris de’it. Imi kaer na’in-haat mosu fali rihun ba rihun”.
Jornalista: Rogério Pereira Cárceres