Ramos-Horta Husu Ministériu Públiku Hala’o Knar ho Independente

Hatutan.com, (13 Marsu 2023), Díli- Prezidente Repúblika (PR), José Ramos-Horta husu atu Ministériu Públiku (MP) hala’o nia knar ho independente no tenke iha autonomia rasik hodi labele monu bá intervensaun polítika.

Lee Mós : Regra Foun iha Edifísiu PGR, Jornalista Labele Tama no Hein iha Portaun Li’ur

Prokuradór Jerál Repúblika (PGR, sigla portugés), Alfonso Lopes. Foto/Elio dos Santos da Costa

Prokuradór Jerál Repúblika (PGR, sigla portugés), Alfonso Lopes hateten iha sorumutuk ho Prezidente Repúblika José Ramos-Horta, Segunda (13/3/2023), iha Palasiu Prezidensiál,  nia  informa bá Xefe Estadu movimentu prosesuál sira no Timor-Leste mós atu tama bá ASEAN. Nune’e, tenke hametin sistema justisa, liu-liu independénsia no Ministériu Públiku garante nunka monu bá intervensaun polítika.

“Ministériu públiku firma nafatin iha independénsia no autonomia ne’ebé iha,” Alfonso Lopes hateten bá jornalista sira hafoin hasoru malu ho Prezidente Repúblika José Ramos-Horta.

PGR Alfonso  hatutan katak liu tiha períodu balun la informa bá públiku kona-ba movimentu prosesuál. Iha fulan-Fevereiru hahú inísiu, kazu mai husi fulan-Janeiru hamutuk 1.895, kazu tama 494, prokuradór sira esforsu depois hlao investigasaun termina depois remata prosesu iha pontu rua, Ida mak arkiva ida akuza.

“Total fim iha nível nasionál 454, entaun tranzitadu bá fulan oin ne’e 1.930, ne’e iha aumentu númeru prosesu pendénsia 35. Ne’e aumenta uitoan, tanba foin daudauk ita-nia majistradu Ministériu Públiku ho apoiu fundus husi Uniaun Europeia liuhosi PFMO, Instituto Camōes organiza ita-nia majistradu na’in-6  dezloka bá Cuimbra-Portugal bá halo formasaun semana tolu, agora sira fila mai, sira sei partillla matenek ne’ebé hetan ba ita-nia prokuradór sira,” nia sublina.

PGR mós informa katak iha meiadu fulan-Abríl, prokuradór na’i- 6 sei bá tán sentru estudu judisiária, depois mai fali sei bá tan to’o fulan-Setembru, entaun PJR hanesan tudik ou katana tenke kadi, labele uza hala’o servisu hala’o papél M inistériu Públiku, mais haluha atu kadi, tamba ne’e presiza formasaun kontinua atu la’o nafatin.

Jornalista: Vito Salvadór