Hatutan.com, (04 Janeiru 2024), Díli– Membru Parlamentu Nasionál hosi Bankada FRETILIN, David Dias Ximenes “Mandati” husu bá Governu tau prioridade bá setór Agrikultura, Edukasaun no Saúde iha ezekusaun orsamentu jerál Estadu 2024.
Membru PN hosi Bankada FRETILIN, David Dias Ximenes “Mandati”. Foto/Zita Menezes
“Ita haree Governu atuál nia servisu iha fulan-lima (5) nian laran, maibé ita mós haree orsamentu foin lalais maka aprová nune’e ita haree ezekusaun orsamentu ne’e maka tenke tau prioridade iha iha setór importante maka primeiru Saúde, Edukasaun no Agrikultura,” Deputadu David Dias Ximenes hateten bá Hatutan.com iha PN, Kinta (04/01/2024).
Membru bankada oposizaun ne’e mós setór agrikultura maka hanesan área alternativa bá Timor-Leste nia fundu petroliferu, nune’e agrikultura ne’e hakarak lakohi tenki dezemvolve hodi bele fó kampu traballu no hadi’a ekonómia.
Advertisement
Atu garantia povu nia saudavél maka Ministériu Saúde nia papél importante. Iiha ospitál no farmasia sira tenke iha estoke ai-moruk no fasilidade balu ne’ebé ladi’ak tenke aloká orsamentu hodi hadi’a fali fasilidade hirak ne’e.
Kona-bá edukasaun, Deputadu David Dias Ximenes hateten, tenke hadi’a linguajen hanorin sira no prioridade hanorin ho lingua portugés iha eskola sira.