Parlamentu Husu ME Hadi’a Problema Edukasaun

Hatutan com, (25 Janeiru 2023), Díli– Membru Parlamentu Nasionál hosi  Bankada FRETILIN, Marquita Soares husu bá Ministra Edukasaun atu hadi’a problema edukasaun iha rai-laran.

Lee Mós: Xina Kontinua Apoia TL iha Área Edukasaun, Saúde no Infraestrutura

Profesór kontratadu sira kontra desizaun ME Dulce de Jesus nian. Foto/Elio dos Santos da Costa

“Ha’u hanoin, ohin, loron mundiál bá edukasaun. Ita presiza tau atensaun bá profesór no estudante sira sai hanesan futuru bá nasaun ida, maibé pelu kontráriu profesór sira agora abandona hela eskola sira-ne’e, ne’ebé maka labarik sira la tama eskola no balu profesór laiha sira fila tiha bá uma no ida-ne’e afeita bá estudante sira,” Deputada Marquita Soares bá jornalista sira iha PN, Kinta (25/01/2024).

Membru komisaun G ne’ebé trata asuntu Edukasaun Joventude, Sidadania no Kultura ne’e mós preokupa ho estudante sira sei halo exame primeiru períodu iha fulan-Marsu nia laran, maibé profesór barak maka laiha.

“Ha’u lahatene oinsá maka sira bele prepara no profesór iha ne’ebé maka bele prepara materia bá estudante sira atu bele tuir ezame, husu bá Governu liuliu Ministériu Edukasaun atu rezolve problema sira ne’e,” nia hateten.

Tuir fiskalizasaun Komisaun G durante ne’e identifiká eskola barak maka menus fasilidade. Meza-kadeira no laboratóriu laiha, eskola barak inkompletu fasilidade no balun tan kondisaun uma eskola nian aat ba beibeik.

Membru komisaun G ne’e mós preokupa ho katak sirkular ne’ebé fó tun bá iha eskola sira ne’e katak tenke simu estudante limita nune’e estudante barak maka sei la asesu bá edukasaun no bele viola direitu labarik sira-nian.

Jornalista Estajiária : Zita Menezes