Estrada Bairru-Pité To’o Manleuana Sei Haluan Metru Neen Ba Foho-Lolon

Hatutan.com, (23 Janeiru 2025), Díli – Ekipa Konjunta hosi Sekretáriu Estadu asuntu Toponímia no Organizasaun Urbana (SEATOU) ho Ministériu Obras Publika (MOP), Kinta (23/01/2025),   halo konsultasaun no sosializasaun ho komunidade Suku Manleuana, Postu Administrativu Dom Aleixo, Munisípiu Díli, hodi informa ba malu kona-bá  alargamentu estrada hosi Bairru-Pité mai Surik Mas no to’o Manleuana.

Lee Mós: Fevereiru, SEATOU Hasai Komunidade Hela Besik Estrada Ibun Kulu-hun To’o Fatu-ahi

Sekretáriu Estadu Asuntu Toponímia no Organizasaun Urbana (SEATOU), Germano Santa Brites Dias. Foto: Elio dos Santos da Costa.

Tuir dadus MOP nian katak alargamentu estada iha dirasaun ne’e sei loke tama to’o foho-lolon metru neen (6). Tanba ne’e, iha diálogu ka konsultasaun ne’e, SEATOU  Germano Santa Brites Dias, husu komunidade sira ne’ebé  hela iha refere koopera másimu ho Governu.

Iha dekretu Lei númeru 33/2008 ne’e kleur tiha ona tantu iha loron 17 fulan-Janeiru 2024 mak foin hala’o ka implementa kona-bá lei ne’e nia servisu sira.

“Objetivu hosi ita nia diálogu no sorumutuk ida-ne’e hodi ko’alia ba malu hosi fuan ba fuan. Ha’u fiar Suku Manleuana ema balu nia moru kona sira koopera. Alargamentu estrada hosi Bairru-Pité  mai to’o Manleuana ne’e iha foho hun ne’e sei fera to’o metru neen (6). Tanba ne’e maluk sira ne’ebe mak hela iha ne’ebá karik fó hatene antes ona. Entaun iha tinan ida dezenvolvimentu tenke la’o tanba ne’e tenke koopera ho másimu,” SEATOU Germano Santa Brites Dias hateten.

Germano husu  ba komunidade hotu iha Suku Manleuana katak alargamentu estrada ne’e komesa hosi Suku Bairru-Pité to’o iha Manleuana,  tanba ne’e kuandu hosi  ekipa MOP sira to’o ba uma atu tau marka hotu-hotu  koopera.

“Planu nono guvernu ninian ne’e mai atu halo infraestrutura no iha buat ne’ebe kle’uk halo loos mai kedas nia katak atu organiza, kesi ita atu labele halo buat ida tuir ita nia hakarak tanba ne’e kuandu la koopera pasiénsia tanba ne’e hanesan umanu ida tenke hakaruk ba ita-nia lei no tane ita nia lei, labele ita rasik mak viola ita lei,” nia hateten.

Nia afirma tan bainhira SEATOU mosu ona labele dehan governu mai sobu uma no sasán sira  derrepente de’it hanesan eviksaun sira ne’ebé mak liu ona iha suku ka bairru sira seluk ne’ebe mak hetan ona eviksaun, maibé sira haluha tiha enkontru ne’ebé mak halo ona no  prega númeru  sira iha didin ka moru-lolon.

Jornalista Estajiáriu : Lazaro Pereira Quefi