PPN Maria Fernanda Lay Hala’o Enkontru Ho Embaixadór José Andrade de Lemos Ko’alia Kooperasaun TL-Angola

Hatutan.com (12 Marsu 2025), Díli-Prezidenti Parlamentu Nasionál (PPN), Maria Fenanda Lay halo enkontru ho Embaixadór Angola iha Timor-Leste, José Andrade de Lemos hodi ko’alia kona-bá kooperasaun Timor-Leste ho Angola.

Lee Mós: Timor-Leste ho Angola Sei Forma Komisaun Atu Diskute Kooperasaun iha Futuru

PPN Maria Fenanda Lay halo enkontru ho Embaixadór Angola iha Timor-Leste, José Andrade de Lemos hodi ko’alia kooperasaun Timor-Leste ho Angola. Foto/Zita Menezes

Prezidenti Parlamentu Nasionál (PPN) Maria Fenanda Lay hateten iha enkontru kortézia ne’e  embaixadór Angola  mai fó hatene katák sira loke ona sira nian embaixada no esperá katák ho abertura embaixada Angola iha Timor-Leste  laiha ona problema vistu bainhira delegasaun ruma husi Timor-Leste bá iha  Angola.

“Mézmu hanesan mós paíz irmaun ida sira mai iha ne’e para ita bele haree saida mak ita servisu hamutuk iha kooperasaun CPLP (Comunidade Paisés da Lingua Portugés) no fulan hira mai ita sei iha atividade Jogu CPLP ne’ebé esperá katák ita organiza di’ak,” Maria Fenanda Lay hateten hafoin enkontru ne’e  iha PN, Kuarta (12/03/2025).

Nia haututan iha CPLP nian laran kooperasaun sira la’o hela ho  Portugal no Brazil, ho país sira seluk tenke haree ida ne’ebé mak Timor-Leste tenke opta tanba país rua ne’e mak tuan liu kompara ho país sira seluk.

Jornalista Estajiária: Zita Menezes