Sosa Viatura Foun Bá Membru PN iha Ona CNA

Hatutan.com, (22  Agostu 2025), Díli- Prosesu sosa karreta foun ba membru Parlamentu Nasionál na’in-65 iha ona Komisaun Nasionál Aprovizionamentu (CNA, sigla portugés) atu hahú lansa bá konkursu públiku.

Lee Mós:Hafoin PN Kansela Sosa karreta Foun, Reitór UNPAZ Organiza Estudante Ejize-tán Alterasaun LPV 

Karreta Estadu ne’ebé DGGPE rekollah husi ministeriu sira no estasiona iha Edifisiu DGGPE, Balide, Díli. Foto/Dok.Hatutan.com

Sekretáriu  Jerál  Parlamentu Nasionál, Edgar Siqueira Martins  hateten,  prosesu   akizasaun sosa viatura  ka karreta ba Deputadu na’in-65  la’o hela iha  CNA ne’ebé kuaze konklui ona prosesu aprovizionamentu.

 “Ita espresa  iha tinan  ida-ne’e  konklui  iha fulan-Setembru bele asina  ona kontratu nune’e  sé dempreza fornesimentu karreta ka viatura ne’ebé manán  konkursu ne’e bele  hatama karreta  mai iha Parlamentu Nasionál,” Edgar  Siquera Martins informa bá  jornalista sira hafoin remata reniaun  Komité Revizaun Orsamentu (OJE 2026)  iha edifisiu Ministériu Finanas, Sesta (22/08/2025).

Nia informa orsamentu  akizasaun viatura  ne’e  millaun $1.4,  maibé  prosesu aprovizionamentu depende  bá  empreza  ne’ebé  maka manán,  ho orsamentu valór  hira pur viatura,   ne’e  depende  bá prosesu aprovizionamentu  maka hatene.

Nia garantia  katak sosa  viatura  ne’e,  sei la gasta hotu miliaun $1.4, ne’e  tanba  bá  kompañia  barak  sei konkore iha konkursu, empreza   balun sei aprezenta  presu  ne’ebé  maka  kiik liu ,  komforme  bá    ekipa juri  sira iha aprovizionamentu  iha CNA  sei haree  ida ne’ebé  maka di’ak  liu.x

“Ita sei halo esforsu tinan  ida-ne’e  tenke  karreta  mai tanba orsamentu  ne’e  aloka  bá  2025, tinan 2026 laiha  alokasaun  ba sosa  karreta,” nia tenik.

Kona-bá viatura marka  saída,  Edgar  Siquera Martins hateten aprovizionamentu  sei  la’o, bainhira viatura  to’o  mai Timor  no entrega  bá Parlamentu Nasionál maka foin   hatene.

Jornalista: Zita Menezes