Manutensaun Ró Lusitania ho Kustu $250,000.00 Atinji 80%

Hatutan.com, (17 Outubru 2025), Díli-Komadante Unidade Polísia Marítima (UPM) Superintendente Polísia, Eugenio Pereira, informa manutensaun ba Ró Lusitania ho orsamentu $250,000.00 nia progresu  to’o ona 80%. 

Ró Lucitania hahú hlao operasuan hafoin manutensaun. Foto/Juvinal Cabral dos Santos

“Ita haree husi ninia prosesu manutensaun  Ró Lusitania nian mai ho orsamentu 2024 ne’ebé mak  husi kompañia  Bibora Atauro Express hetan kontratu husi Komandu Jerál, sira hahú sira nia atividade prosesu manutensaun ne’ebé mak la’o agora dadaun iha ona ninia progresu. Ne’ebé ohin ami halo ona ninia prosesu ida koko Ró iha tasi, no haree ona ninia progresu ba iha manutensaun ne’e to’o ona ne’ebé, ita involve mos ekipa. Ekipa tékniku mai husi UPM rasik no kompañia Bibora Atauro express,  halo observasaun direta ba iha funsiomamentu Ró ne’e nian,”  Komadante UPM Superintendente Polísia Eugenio Pereira, informa jornalista sira iha Palásiu Governu, Sesta (17/10/2025).

Observasaun tekniku sira haree rasik funsiomamentu makina, parte navegasaun ninian no seluk tan serake ninia funsiomamentu ba iha komponente sira ne’e funsiona ho di’ak,  ne’ebé agora prosesu la’o hela.

“Haree husi ninia rezultadu sei rona husi ekipa rua, ekipa tékniku no komadante kapitaun  naviu tanba sira mak sente saida mak sira observa direita evolusaun Kona-ba ninia nia progresu sira ne’e hotu. Ne’ebé agora dadaun ha’u labele fó nia rezultadu, mais ita haree husi movimentu ne’ebé mak enjeralmente ohin sira halo dadauk sira nia atividade koko iha tasi ne’e, ita bele dehan garantia to’o ona iha 80% ida ne’e mak ninia progresu,” nia hateten.

Komadante UPM Superintendente Polísia Eugenio Pereira

Komadante UPM informa taa, ohin dadersan Ró Lusitania husi Dili ba ona iha Atauro, espera katak orsida bele remata iha Atauro sira sei fila mai  mak fó sai rezultadu ne’ebé sira koko, no aban sei ba fali nune’e mos halo vizita ba postu iha Atauro.

“Klaru ita sei haree ninia jestaun ba Ró Lusitania ne’e rasik, oinsá ita atu koloka ninia funsiomamentu ne’e oinsá,  tuir ninia albu operasaun ne’ebé iha ninia medida husi Ró ne’e rasik. Oinsa ita atu uja ninia meius operasaun, serake utiliza nia mobilizasaun para apoiu ba iha ita nia rekursu sira, hodi bele apoiu lar rapida sira movimentu  vizilansia iha tasi “

Lar  ne’ebé dadaun halo hela operasaun iha lar rua  parte Beacou Batugadé, nomos lar ida iha postu Com no propriu iha Dili lansa rápidu iha rua para halo movimentu hodi responde ba iha tasi laran.

“Ami mós hatama ona proposta ba iha Komandu Jerál PNTL kona ba Ró Kay Rala Xanana, ne’e komandu kompetensia atu haree kolokasaun orsamentu ne’ebé prevé ba iha 2026, ita sei hein rezultadu ne’ebé aloka ba iha ida ne’e”.

Dadaun parte iha tasi sasan ilegal sira sempre tama, autoridade seguransa sei haree koloka postu parte sul iha suai, mota masin no parte norte ninian mak Batugadé, tantu iha Oe-Cusse. Parte iha Suai ninian mak foin lalais sidadaun balun hatama sigaru ho kuantidade barak, espera komunidade sira mak sai matan ba seguransa ba fronteira no bele relata informasaun para atua situasaun sira ne’e.

Jornalista: Juvinal Cabral dos Santos