Governu Vs Lighthouse iha Tribunál Supremu Victória, MJ Sérgio Hornai: Estadu Timor-Leste Prontu Enfrenta

Hatutan.com, (22 Outubru 2025), Díli—Estadu Timor-Leste pronto enfrenta empreza internasionál Lighthouse Corporation Pty Ltd iha Tribunál Supremu Victória-Austrália kona-bá disputa ne’ebé akontese dezde 2010 liubá.

Lee Mós: Lighthouse Ezije Governu Timor-Leste Selu Prejuízu Millaun US$600

Bandeira RDTL. Foto/Espesiál

Ministru Justisa, Sérgio da Costa Hornai, afirma kazu ne’e la’o hela  iha Tribunál Supremu Victória entre Governu Timor-Leste ho empreza internasionál Lighthouse Corporation Pty Ltd, ne’ebé ejize Governu  Timor-Les ténke selu prejuízu Milliaun US$600 bá empreza i Lighthouse Corporation Pty Ltd.

“Ita nia estadu ténke prontu hasoru  iha kualker momentu, depende bá desizaun Tribunál iha país avansadu hanesan Autrália,” Ministru Justisa Sérgio da Costa Hornai hateten bá jornalista sira hafoin  reuniaun Konsellu Ministru (KM) iha Palasíu Governu, Díli, Kuarta (22/10/2025).

Ministru Ségio Hornai afirma  tanba Estadu Timor-Leste no Governu  ténke defende bá buat ne’ebé loos, tanba  buka justisa dezde prinsipiu  la’ós foin  maka  denfende bá  Timor nia soberania,  interese, maibé buat ne’ebé  haree katak ne’e loos, Estadu  ténke defende.

Nia haktuir, Estadu Timor-Leste tau ninia prestizu, integridade no soberania, ténke defende bá buat ne’ebé maka loos. Tanba ida- ne’e maka Timor-Leste adota sistema estadu dereitu demokrátiku.

Pozisaun Ministériu Justisa, tuir nia,  tenke halo aliñasaun polítika  hotu-hotu, hanesan  iha desizaun  Primeiru-Ministru Kay Rala Xanana Gusmão, iha  ne’ebé sira diskute,  no mós  halo  tiha ona desizaun  Governu anterior nian,   katak  tenke defende     banhira to’o iha desizaun ida-ne’ebé maka trbunál ultimu hatun.

Ministru Justisa Timor-Leste tenik Estadu  ténke enfrenta  maibé  Timor-Leste  nia advogadu sira hatan hela hodi RDTL nia  soberania integridade no interese lejítimu Governu nian hodi halo reprezentasaun ida atu halo kontraditóriu  hodi pozisaun  bá buat ne’ebé   tuir  dehan  loos.

Sé  empreza Lighthouse Corporation Pty Ltd,  manán iha Tribunál Supremu Victória, Ministru Sérgio Hornai konsidera  ida-ne’e prosesu judisiáriu, Governu ténke respeitu bá prosesu sira-ne’e.

Nia subliña Estadu Timor-Leste no Governu  iha obrigasaun katak  buka esforsu hotu-hotu   atu bele defende bá faktu  no prova    sira  ne’ebé    sente katak prova  ida-ne’e loos  entaun  Governu iha razaun atu defende.

Maske nune’e, tuir nia katak, prosesu hotu-hotu kona-bá kazu ne’e,   husik prosesu justisa la’o  ho independente no imparsiál  atu bele fó desizaun ida  ho imparisiál  no independente.

“Ha’u fiar katak  tribunál iha paíz avansadu sira, hanesan Austrália ita iha konfiansa,” Ministru Justisa Sérgio Hornai  afirma.

 Jornalista: Macelino Tomae