Timor-Leste Sei Fó Apoia Sanitáriu Ba Vítima Dezastre Naturál iha Filipina

Hatutan.com, (06 Novembru 2025),Díli—Estadu Timor-Leste sei  fó apoiu umananitária bá vitíma dezestre naturál ne’ebé akontese iha   Estadu Filipina.

Primeiru-Ministru (PM) Kay Rala Xanana Gusmão. Foto/Juvinal Cabral dos Santos

Primeiru-Ministru Kay Rala Xanana Gusmão hateten, apoiu ne’e hanesan sentidu  nu’udar  membru foun ASEAN no mós tanba    Filipina ne’ebá ema lubuk ida mate,  dezastre ne’e sobu uma iha posibilidade boot  loron  hirak ne’e mai   hetan indundasaun  (tsunami) .

Xefe Governu Kay Rala Xanana Gusmão reprezenta  Povu Timor-Leste nia naran aproveita oportunu  debate OJE 2026  iha faze  jeneralidade hato’o sentidu solidaridade bá Povu tomak iha estadu Filipina

“Atan oan ha’u hakarak iha uma fukun ida-ne’e atu aprezenta solidaridade Povu Timor nian bá povu Filipina, nune’e mós  Governu haree hela atu deside   iha  reuniaun estraordináriu  Konsellu Ministru haruka  kompañia enjénaria ida ho kompañia servisu sanitária nian hosi F-FDTL, atu bá iha ne’ebá hodi partisipa  iha apoia emerjénsia ne’ebé  nu’udar membru foun bá ASEAN,” Xanana  hatete iha Parlamentu Nasionál, Kuarta (06/11/2025).

Xefe Governu ne’e hatutan,  Estadu Timor-Leste  hakarak hatudu  hodi uza  forsa bá  iha misaun umanitária  fó asisténsia bá vítima ne;ebe enfrenta problema natureza ninian.

PM Xanana afirma katak aprezenta  ona bá Prezidente  Repúblika Filipina, Ferdinand Marcos Junior katak  Estadu Timor-Leste sei deside hodi  fó apoia emerjénsia, nu’udar solidaridade profunda bá  Estadu Filinpina ho nia povu sira.

Nia subliña,  Timor-Leste ninia  solidaridade ne’ebé iha  nu’udar membru foun ASEAN      ninian atu fó sentidu liu bá Espiritu bá pás no solidaridade  entre komunidade nasaun membru foun.

“Ami sei konsidera  no sei haree  iha reuniaun  estraordináriu konsellu Ministru atu haree hanusa maka ami sei  kompañia  Enjénaria ida ho kompañia apoiu sanitária hodi hatudu  bá mundu katak sim!  iha fatin balu ne’ebé ita bele ajuda  vitíma dezastre naturais Timor-Leste ténke  hamrik  hamutuk hodi  bele ajuda,” nia hakotu

Alerta ba tsunami pasífiku hasai ona alerta kona-bá tsunami bá Filipina, Palau, no Indonézia  Sesta 10 fulan -Outubru, oras balun hafoin rai-nakdoko ho magnitude 7,4 akontese iha rejiaun Mindanao.

Antes ne’e, Institutu Vulkanolojia no Sismolojia Filipina (Phivolcs) fó sai alerta kona-bá tsunami bainhira rai-nakdoko ho magnitude 7,4 akontese iha Mindanao.

Jornalista:Marcelino Tomae