Justisa & Krime
CAC Halo Buska Bá Dirijente Timor Gap ho Inisiál AC
Hatutan.com, (17 Dezembru 2025), Díli– Komisaun Anti-Korrupsaun (CAC), liu husi Servisu Investigasaun Kriminál, Kuarta (17/12/2025), halo buska no apreensaun ba direjente Timor Gap, empreza públika (Timor Gap,E.P) ho inisiál AC iha ninia rezidénsia privadu ne’ebé lokaliza iha Aldeia Moris Foun, Suku Comoro, Pontu Administrativu Dom Aleixo, Munisípiu Díli.
Lee Mós: CAC ho Polísia Halo Buska no Apreensaun Bá Emprezáriu Timoroan Inisiál L
Ekipa CAC akompañia dirijente Timor Gap, E.P hodi ba halo investigasaun no identifikasaun iha edifisiu CAC, Kuarta (17/12/2025). Foto/Marcelino Tomae
Obsevsaun Hatutan.com iha ternu nota katak ekipa CAC to’o iha residénsia privadu suspeitu AC nian ne’e iha tuku 07:00 dadeer Otl no halo identifikasaun remata iha tuku 09:45 OTL.
Durante buska ne’e, CAC konsege foti dokumentu sira iha kaixa rua, no mós halo apreensaun ba kareta kor malahok marka Countryman, ho númeru sapa matríkula XXX 31XX TL.
Hafoin identifikasaun iha direjente Timor Gap,E.P ho inisiál AC nia residensia privadu, CAC liu husi Servisu Investigasaun Kriminál akompaña Direjente Timor Gap ne’e lori bá Edifísiu CAC Farol hodi kontinua prosesu identifikasaun no investigasaun tuir lei.
Jornalista: Marcelino Tomae