Prezidente Repúblika Hakfodak Kazu Dorga Kokaína 980,5 Grama Deskonfia MP Deside Taka De’it

Hatutan.com, (08  Maiu 2026), Díli–  Prezidente Repúblika, José Ramos, hakfodak tebetebes bainhira rona kazu   droga tipu kokaína grama 980,5 ne’ebé importa husi Fransa mai Timor-Leste iha loron 21 fulan-Agostu tinan 2025, deskonfia Ministériu Públiku deside taka de’it tanba parte kompetente sira la aprezenta suspeitu ka argiudu iha kazu importasaun droga ne’e.

Lee Mós: Investiga Prokuradór Titulár Ba Kazu Drogá Kokaína Grama 980,5 Ne’ebé Taka De’it

Prezidente Repúblika, José Ramos-Horta.

Prezidente Repúblika José Ramos-Horta, Sesta (08/05/2026), responde Hatutan.com iha Palásiu Prezidensiál, hateten tuir informasaun ne’ebé nia rona, ema lubuk ida, ho maioria joven, maka suspeitu envolvidu iha kazu ne’e no  droga ne’e la’ós tipu marijuana de’it, maibé droga ida ho tipu “todan liu”, ne’ebé hanesan séria liu iha impaktu  joven Timor-Leste.

“Ha’u foin  rona ita boot (Jornalista Hatutan.com-Red)  aprezenta,    ha’u  sente hakfodak ha’u hanoin  ida uluk  kazu droga tipu marijuana, mais afinál parese sabu-sabu, kokaína, entaun ida-ne’e gravee,”  Prezidente Repúblika José Ramos-Horta hateten.

Nia subliña,   tuir imformasaun ne’ebé nia rona katak, kazu dorga ne’e atu halo julgamentu derepente ádia tiha.

Kona-bá kazu droga tipu kokaína grama 980,5  Ministériu Públiku deside taka tanba Polísia Sientífiku Ivestigasaun Kriminál  (PCIC) la  kontempla autór iha autos, PR  Ramos-Horta afirma katak   atuál Prokuradór Jerál Repúblika Nelson de Carvalho la taka  tanba porokuradór titulár sira maka kaer prosesu ne’e.

Lee Mós: Kazu Droga Kokaína Grama 980,5, Deskonfia Autoridade Sira Taka De’it no Halo Destroisaun Ba Prova sira

“Maibé ida ha’u rona ne’e maka, kazu droga ne’e atu lori bá julgamentu, atu hahú  ha’u  derente ádia, ha’u la hatene razaun saída,  sei laiha evidénsia, ne’e sira nia servisu se maka hatene, ha’u rona katak drogas balu ida todan nian forte, ne’e grave no fó impaktu bá ita nia joven sira, invetgadór sira tenke ke’e to’ok kazu ne’e sé maka lori mai Timor sé maka fa’an,   la bele permite Timor ho problema ida-ne’e ne’e estrga joven sira,”  Ramos-Horta hateten.

Nia afirma, ho Prokuradór Jerál Repúblika Nelson de Carvalho laiha intensaun atu taka kazu droga,  sé iha tentativa atu taka ka halakon hela prosesu bá kazu sensítivu balu, ne’e karik akontese iha tempu Prokuradór Jerál Repúblika sira uluk, la’ós iha mandatu atuál Nelson de Carvalho.

Tuir Ramos-Horta, katak atuál Prokuradór Jerál Repúblika hatudu ona nia integridade no independénsia institusionál, tanba nia rasik maka foti desizaun atu lori kazu sira ne’ebé relevante ba prosesu judisiál to’o iha tribunál.

“Nia maka loke kazu sira ne’e ba tribunál. Ida-ne’e hatudu katak nia ho nia integridade no nia independénsia maka dudu prosesu legal sira atu lao tuir dalan justisa nian,” Xefe Estadu RDTL ne’e tenik.

Lee Mós: Kazu Droga Kokaína Grama 980,5, PCIC Inkéritu Sala Suspeitu

Jornalista : Marcelino Tomae