Parte Sira Fasilita Aterra Jet Privadu Cessna C700 iha AIPNL Presta Ona Deklarasaun no Hein Submete bá MP

Hatutan.com, (13 Jullu 2026) Díli-Parte kompetente sira husi Ministériu Transporte no Komunikasaun (MTK), Ministériu Negosiu Estránjeiru no Kooperasaun (MNEK) ho Autoridade Aviasaun Sivíl Timor-Leste (AACTL-sigla portugés), inklui Ajénsia CEVA Logistics, presta ona deklarasaun iha Diresaun Servisu Investigasaun Kriminál (DSIK), Polísia Nasionál Timor-Leste (PNTL) relativa ho polémika aterrazen jet privadu ho tipu Cesna  Citatyion 700 Longitude (C700) iha Aeroportu Internasionál Prezidente Nicolau Lobato (AIPNL), Kuarta, 01 Jullu 2026.  

Portavós PNTL Superintendente-Xefe Polísia João Belo dos Reis.

“Ha’u seidauk ko’alia ho investigadór, semana kotuk, ha’u verifika ba sira dehan, prosesu la’o hela no Tersa-aban (14/07) ha’u bele komunika ba maluk sira kona-ba  asuntu ida-ne’e,” Portavós PNTL Superintendente-Xefe Polísia João Belo dos Reis, ba jornalista iha nia knaar fatin Komandu jerál PNTL Caicoli, Segunda (13/07/2026).

Portavóz PNTL hatutan, kompañia na’in ba aviaun ne’e, sira ne’ebé mak charter no sira husi parte Ministériu Negósiu Estranjeiru no Kooperasaun (MNEK)  nian, Autoridade Aviasaun Sivíl Timor-Leste (AACTL-sigla portugés) fó ona sira nia deklarasaun ba Polísia

“Hein ami hetan informasaun sufisiente, ami bele aprezenta ba iha Ministériu Públiku (MP), afirma portavór komandu jerál PNTL ne’e.

Jornalista: Juvinal Cabral dos Santos