Informasaun hosi PCIC katak suspeitu ho inisiál FA ne’e sei iha relasaun besik tebes ho arguidu na’in-sia (9) ne’ebé foin lalais ne’e Tribunál Distritál Dili (TDD) aplika hela Termu Identidade Rezidénsia (TIR) no Aprezentasaun Periódika bá sira.
Mandadu detensaun no kapturasaun ne’e haktuir bá despaxu hosi TDD), kona-bá Mandado de Busca Apreencão e Detenção, bá autór FA iha ninia rezidénsia.
Advertisement
PCIC ezekuta mandadu ne’e bá suspeitu FA, tanba antes ne’e, liuhosi prosesu julgamentu iha TDD, arguidu na’in-sia (9) deklara no temi mós suspeitu FA nia naran.
Ho nune’e, bazeia bá deklarasaun hosi arguidu sira, no haktuir mós bá despaxu ofisial hosi TDD, ikus mai PCIC halo kedan buska apreensaun hodi haree material sira ne’ebé mak deskonfia sai hanesan objetu krime nian, iha suspeitu FA nia rezidénsia, no halo kapturasaun ho detensaun bá suspeitu FA iha sela PCIC.
Oras ne’e, suspeitu FA detein ona iha sela detensaun PCIC durante oras 72 nia laran, hafoin submete kedan nia prosesu ba Primeiru Interrogatóriu iha TDD.
Iha Lei númeru 02/2017, artigu 07, kona-bá lei konsumu bá ilísitu droga nian, katak, sidadaun sé de’it mak halo tranzasaun bá droga, fa’an no konsumu, sei hetan pena prizaun preventiva hosi tinan-rua (2) to’o tinan-12.