Connect with us
Pakote Ahi

Nasionál

La’o Hamutuk Husu Timor Gap Klarifika bá Públiku Kona-bá Disputa Kontratuál ho ENERPROCO

Published

on

Hatutan.com, (06 Maiu 2024), Díli –Organizasaun La’ós Governu nian (ONG, sigla portugés) La’o Hamutuk husu bá empreza estatál Timor Gap atu klarifika bá públiku kona-bá disputa kontratuál ne’ebé halo empreza internasionál ENERPROCO lori Timor Gap bá Tribunál Internasionál Arbitrajen iha Singapura.

Lee Mós: ENERPROCO Lori Timor Gap bá Tribunál Arbitrajen Bele Fó Prezuiju bá Estadu TL

ENERPROCO LLC nu’udár empreza Teknolojia, Produsaun Petróleu no Gas  husi Estadus Unidus Amérika (“ENERPRO”) ho baze iha Houston, Taxas, iha loron 03 fulan-Abríl 2024, fó sai sira-nia komunikadu bá imprensa ne’ebé Hatutan.com asesu, mensiona ka deskreve katak sira hato’o ona pedidu Arbitrajen (RFA) iha Tribunál Internasionál Arbitrajen ICC Singapura bá rezolusaun disputa kontratu kontra TIMOR GAP, E.P. (“TIMOR GAP”), korporasaun Estadu no Kompañia Nasional Petróleu no Gas Repúblika Demokrátika Timor-Leste.

Advertisement

Peskizadór La’o Hamutuk, Celestino Gusmão. Foto/Lazaro Pereira Quefi

Peskizadór La’o Hamutuk, Celestino Gusmão, Segunda (06/05/2024), hateten prosesu sira hanesan ne’e normal, liuliu liga bá iha prosesu negósiu sira ne’ebé mak envolve kompañia internasionál sira kona-bá indústria petróleu no gas, indústria estrativa no ambiente  tanba bainhira parte la konkorda ho servisu balu la’o loalos iha situasaun ida bele lori bá prosesu legal arbitrajen nian.

“Ha’u hanoin bá kazu ida-ne’e ita seidauk iha informasaun detallu kona-bá prosesu tanbasá no mós oinsá maka kompañia ENERPROCO Group ho  kompañia Estatál ida hanesan Timor Gap I,P lori malu bá iha tribunal Arbitrajen Singapura. Ha’u hanoin ida-ne’e la’ós prosesu foun ida, ne’e  prosesu barak iha mundu ida-ne’e liuliu iha indústria estrativa  sira ne’e iha interese barak iha ne’ebá hanesan ekonómiku no komersiál entaun parte ENERPROCO nia iha direitu atu levanta kestaun sira hanesan ne’e bá sira karik ladún favorese,”  Celestino Gusmão hateten hodi responde Hatutan.com iha nia servisu fatin iha Bebora, Díli.

Nia dehan Timor Gap mak tenke iha transparénsia bá informasaun atu públiku bele entende no informadu kona-bá  disputa loloos ho empreza ENERPROCO Group. Nune’e, públiku iha Timor-Leste bele tulun atu envolve iha prosesu iha ne’e hosi Timor Gap mak presiza ajuda.

Celestino Gusmão hateten tanba jestór sira hosi Timor Gap troka bá malu ne’ebé karik jestór tuan karik halo kontratu antes nune’e jestór foun sira hakarak atu halo kanselamentu  ka suspensaun, maibé ida-ne’e hanesan sosiedade sivíl La’o Hamutuk nia hanoin de’it ne’ebé seidauk iha baze informasaun fundamental ruma atu ajuda La’o Hamutuk hodi oferese kontribuisaun analiza didi’ak bá oinsá Timor-Leste halo prosesu sira hanesan ne’e.

Nia hatutan, karik kompañia sira labele iha ona konfisoins atu halo negosiasaun no komunikasaun ne’ebé ho di’ak mak hakarak lori malu ba Tribunál arbitrajen ne’e la iha buat ida tanba ne’e hotu-hotu tenke pasiénsia hodi hein de’it Tribunál nia desizaun finál.

Kona-bá kestaun ida ne’ebé mak agora dadauk deskute no Timor-Leste enfrenta ne’e presija haree didi’ak se por ignoránsia bá Timor Gap rasik atu soe osan Estadu, nune’e bá rekursu Estadu ki’ik ne’ebé servisu bá prosesu ne’e ho loloos mak sira hatene no tenke kontrola bainhira atu halo asaun ruma.

Advertisement

“Ida lamentavel ita presiza hare didi’ak mas ami to’o seidauk iha informasaun sufisiente atu foti konkluzaun mas bá prosesu ruma mak envolve Tribunál Arbitrajen sira iha rai-li’ur bá kustu legal no administrativu buat sira ne’e hotu se iha kustu duni. Ne’e seidauk inklui tan ba kustu penalti bá kompañia ne’e iha nune’e presiza hare didi’ak bá prosesu legal sira ne’e ajuda ita hodi hetan rezolusaun pasífiku,” nia tenik.

Timor Gap empreza Estatál ne’ebé  Governu Timor-Leste ho naran povu Timor-Leste ninian mak tau osan Estadu iha ne’ebá mas ba kompañia estatál ne’e rasik nia seidauk iha reseita própriu atu ajuda povu Timor-Leste nune’e sira hetan de’it ba orsamentu jerál estadu ne’ebé barak tebes tanba ne’e Timor Gap presiza mós haree didi’ak bá ida ne’e no tenke kuidadu.

La’o Hamutuk husu ba Prezidente Timor Gap tenke iha klarifikasaun didi’ak bá públiku karik iha motivu ruma hosi polítiku ne’e labele no mós la di’ak bá governasaun sira tuir mai atu repete ida ne’e.

Hatutan.com halo esforsu ona kontaktu parte sira dirijente Timor Gap nian hodi bele halo konfirmasaun asuntu ne’e ho Prezidente Timor Gap, maibé to’o notísia ne’e publika parte Timor Gap seidauk bele atende entrevista tanba okupadu ho servisu.

Lee Mós: Konsidera Viola Akordu Kontratuál, ENERPROCO Lori TIMOR GAP bá Tribunál Internasionál Arbitrajen

Advertisement

Jornalista Estajiáriu:  Lazaro Pereira Quefi

 

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Uniaun Europeia, ILO ho TradeInvest Asina Akordu bá Espansaun Oportunidade Negósiu Nu’u iha TL

Published

on

Hatutan.com, (23 Maiu 2024), Díli—Organizasaun Internasionál bá Traballu (ILO) no TradeInvest Timor-Leste asina akordu kooperasaun téknika, kona-bá oportunidade hodi dezenvolve negósiu nu’u iha Timor-Leste hamutuk ho seitór privadu sira.

(more…)

Kontinua Le'e

Nasionál

Kapasidade Internet Husi Tore Provider Telekomunikasaun Sira iha TL La Sufisiente

Published

on

Hatutan.com, (22 Maiu 2024), Díli-Internet sai ona hanesan nesesidade importante bá ema nia moris loron-loron nian iha mundu iha era dijitalizasaun ne’e. Maske nune’e,  Timoroan sira ne’ebé hela iha Timor-Leste sempre halerik no kestiona kapasidade internet ne’ebé fornese husi tore provider telekomunikasaun hanesan Timor Telecom, Telkomcel ho Telemor.

(more…)

Kontinua Le'e

Nasionál

Horta ho Xanana Tuun Direta Simu Liurai Brunei Darussalam Majestade H. Hassanal Bolkiah

Published

on

Hatutan.com, (20 Maiu 2024), Díli- Prezidente Repúblika (PR), José Ramos-Horta ho Primeiru-Ministru Kay Rala Xanana Gusmão hamutuk ho membru governu sira simu ho ksolok prezensa Sua Majestade Haji Hassanal Bolkiah, Sultaun Brunei Darussalam ne’ebé too  iha Repúblika Demokrátika Timor-Leste hodi partisipa iha selebrasaun loron Restaurasaun independénsia ba dala-XXII (20 Maiu 2002-20 Maiu 2024).

(more…)

Kontinua Le'e
Advertisement

Trending