Membru FALINTIL Forsa Defeza Timor-Leste (F-FDTL), hosi Komponente Navál na’in-ualu, partisipa iha formasaun bázika kona-bá vizita, embarke, buska no apreensaun iha rai Sri-Lanka. Foto/F-FDTL.
Timor-Leste nia partisipasaun liuhosi membru forsa timoroan na’in-ualu ne’e, tanba konvida hosi United Nations Office on Drugs and Crime (UNODC) iha Thailándia, iha karta konvite ho intensaun atu konvida Membru FALINTIL-FDTL hosi Komponente Naval hodi ba tuir kursu kona-bá vizita, Embarke, Buska no Apreensaun ne’ebá realiza iha Sri Lanka.
“Kursu ne’ebé hala’o iha Sri Lanka ne’e, oinsá atu bele prevene no kombate krime tráfiku droga, tráfiku umanu, terorizmu no piratarias iha área marítima nian,” Hatutan.com sita komunikadu.
Advertisement
Membru F-FDTL na’in-ualu hosi Komponente Navál ne’e, kompostu hosi Ofisiais ida, Primeiru Sargentu ida, Kabu na’in-rua no Grumete na’in-haat, (Marineiro na’in-rua no Fuzileiru na’in-neen).
Formasaun báziku ida ne’e, fasilita hosi instrutór sira forsa mariña Sri Lanka nian, ho durasaun tempu semana tolu, iha tasi-laran, inklui iha rai-maran.