Connect with us
Pakote Ahi

Defeza & Seguransa

PNTL ho F-FDTL Detein Suspeitu Na’in-tolu Tenta Esporta Ai-kameli bá Indonézia

Published

on

Hatutan.com, (08 Outubru 2022), Díli-Ekipa konjunta hosi Servisu Informasaun Polísia Nasionál (SIPN-PNTL) ho Servisu Informasaun Militár (SIM-F-FDTL), junta ho J2, Unidade Informasaun FALINTIL, S2, detein joven mane na’in-tolu tanba tenta halo esporta ai-kameli ho kuantidade kilograma 83 bá Indonézia liuhosi fronteira terrestre.

Lee Mós : Vídeo Viral, Dezentendimentu SNI ho Dirijente KHUNTO Kona-bá Osan $130.000

Evidénsia ai-kameli. Foto/Espesiál

Detensaun bá ema  no apreensaun bá evidénsia krime sira-ne’e hafoin operasaun no vijilánsia durante loron-rua tomak hosi ekipa sira Servisu Sekreta nian, hodi detein  uluk suspeitu ho  inisiál MB, tinan 25, hosi Tebabui-Hatupae, Bobonaro, iha tuku 5h50, CdC, tinan 22, hosi Dili no asegura mós ARG, tinan 26, iha área Tasi-tolu, Aldeia 12 Outubru, Suku Comoro, Posto-Administrativu Dom Aleixo, Munusípiu Dili.

Ekipa Servisu Sekreta hosi PNTL ho F-FDTL  simu informasaun hosi fontes sira  iha loron 6 fulan-Outrubru 2022,  katak iha suspeitu na’in-rua ho naran AB no Agus  naran inisiál hosi Indonézia mai Timor-Leste hela iha área Tasi-tolu, hodi sosa ai-Kameli.

Advertisement

 Bazeia bá informasaun hirak ne’e, ekipa sira halo kedan vijilánsia hodi akompaña suspeitu na’in-rua ne’ebé uza karreta Taxi ho Xapa Matrikula 33.244, hahú kedan hosi área Tasi-tolu, Mascarenhas no kontinua bá iha área Becora iha Becusse Leten, Suku Becora, Postu Administrativu Cristo-Rei, hodi halo atividade sosa no tetu Ai-kameli totál kilograma 83 ho montante osan $830.

Iha momentu ne’ebá, ekipa sira planeia atu halo kedan detensaun bá autór sira, maibé iha mós informasaun hosi fontes katak, rikusoin ai-kameli hirak ne’e, sei transporta bá tau hamutuk iha área Comoro, hafoin maka tula sai dala-ida.  

Hafoin suspeitu na’in-rua tetu no sosa Ai-kameli iha Becusse, entrega tiha osan, suspeitu na’in-rua la tula ai-kameli iha Taxi, maibé tula fali iha karreta kamioneta no uainhira sira na’in-rua fila ho karreta-taxi, haree hosi espellu deskonfia ona iha ekipa móvel halo survelénsia.

Ikus mai, sidadaun sira ne’e halai sees no dezvia ekipa servisu sira, to’o soe hela karreta-taxi ne’e inklui xave karreta nian, iha área Kampung Baru, Dom Bosco Comoro nia kotuk, hodi halai subar ba sa’e karreta kamioneta ne’ebé  mak tula Ai-kameli, tanba para ka estasiona hein hela iha suspeitu na’in-rua ne’e iha Estrada Golgota, hodi mai hatún Ai-kameli  iha área Tasi-tolu, Aldeia 12 Outubru, Comoro, Díli.

Ekipa informasaun hosi Komponente Navál, informa bá Ekipa konjunta FP Busca, SIM/J2, Ekipa koordena ho parte PNTL Investigasaun Nasional, hodi foti karreta taxi refere, asegura iha Quartel Jerál PNTL, Caicoli.

Advertisement

Hafoin asegura tiha evidénsia sira hanesan ai-kameli no karreta taxi ne’e, ekipa sekreta sira mós identifika no lokaliza suspeitu sira, hodi ekipa halo kedan detensaun bá suspeitu AB iha ninia bin ARG, iha rezidénsia parte Tasi-tolu.

Ekipa husu mós autór Agus nia paradeiru bá suspeitu MB nia bin ARG ne’ebé mós nu’udár na’in bá karreta taxi ne’e, maibé sira bosok hodi hateten katak Agus ho karreta tula sai ona Ai-Kameli bá Maliana, maske Agus ho evidénsia Ai-kameli hirak ne’e, iha hela sira-nia kuartu-laran no lakohi informa mai Ekipa.

Maske nune’e, ekipa Servisu Sekreta sira, uza tátika seguransa nian, hodi husu informasaun bá autór MB, kuaze iha oras-lima-laran mak, autór MB foin deklara katak, “Ohin ha’u ho Agus hamutuk iha kuartu laran inklui Ai-kameli karon-4 no pasta ida iha hela kuartu-laran,” Hatutan.com stra iha karta komunikadu, Sábadu (08/10/2022).

Rona tiha ida ne’e, ekipa fila-fali bá iha rezidénsia ARG nian, maibé to’o iha ne’ebá, suspeitu Agus halai lakon, inklui ai-kameli iha sakutolu, ho pasta ida mós laiha ona ka lakon. Maibé, ekipa sira kontinua buka no halibur informasaun bá autora ARG nia viziñu sira, to’o hetan informasaun katak suspeitu seluk ida ho inisial CdC maka muda sai Ai-kameli saku haat inklui pasta ida hodi bá subar fali iha área Rai-kotu, Dili.

Liu de’it minutu balu, ekipa servisu kaptura suspeitu CdC iha Raikotu no CdC deklara katak MB ho Agus maka haruka, enkuantu Agus rasik konsege halai no ekipa kontinua halo vijilánsia hodi buka tuir Agus inklui rede sira ne’ebé nakait bá atividade ilegél refere.

Advertisement

Hafoin asegura tiha suspeitu sira, suspeitu ida ho inisiál MB, deklara katak, durante ne’e, nia ho Agus maka envolve iha rede ka grupu ida, hodi tama no sai Indonézia, halo atividade tranzasaun ai-kameli, sempre liuhosi dalan ilegál.

Suspeitu MB mós deklara tán katak, durante mós  nia ho Agus, sempre importa ka hatama sigarru ho marka Surya, Esse no Kilat Anin hosi Indonézia mai territóriu nasionál.

Ekipa servisu entrega ona suspeitu sira hamutuk ho evidénsia motór rua (2), no karreta ida (1) bá Servisu Investigasaun Kriminál Nasional (SIKN) hodi kontinua halo investigasaun kle’an.

Jornalista: Rogério Pereira Cárceres

 

Advertisement

 

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Defeza & Seguransa

Xina Oferese Motór Patrulla Lima bá Polísia Tránzitu Nasionál

Published

on

Hatutan.com, (26 Fevereiru 2024), Dili—Governu Xineza liu hosi ninia embaixada iha Díli oferese motór patrulla (batedores) ho marka CFMOTO hamutuk lima bá Polísia Tránzitu Nasionál atu assegura aktividade entidade sira hosi rai-liur no mós órgaun soberania haat iha Timor-Leste (TL).

(more…)

Kontinua Le'e

Defeza & Seguransa

Polísia Kaptura Suspeitu Ida Envolve Kazu Taa Luis Vicente iha Kampu Baru

Published

on

Hatutan.com, (23 Fevereiru 2024), Díli-Polísia Nasionál Timor-Leste (PNTL) halo ona kapturasaun no detensaun bá suspeitu ida ho inisiál JF hosi na’in-rua  ne’ebé kondús motór taa vítima Luis Vicente Tou iha estra Eskola 05 de Maio, Kampu Baru, Comoro, Díli.

(more…)

Kontinua Le'e

Defeza & Seguransa

Deskonfia Fa’an Ilegál Ai-moruk Item Neen iha Farmásia Moris-Foun, Polísia Detein Suspeitu Na’in-tolu

Published

on

Hatutan.com, (22 Fevereiru 2024), Díli—Ekipa konjunta kompostu Polisia Nasionál Timor-Leste (PNTL), Departamentu Investigasaun Kriminál (DIK) Nasionál ho Ministériu Saúde (MS), Diresaun Nasionál bá Farmásia no Medikamentus (DNFM), liuhosi atividade buska no inspesaun, konsege identifika ai-moruk hamutuk item neen (6) mak deskonfia fa’an ilegálmente iha farmásia Moris-Foun, Colmera, Díli.

(more…)

Kontinua Le'e

Trending