Hatutan.com, (04 Outubru 2024), Díli- Konsellu Ministru, Kuarta (02/10/2024), aprova ona Rezolusaun Governu nian rua hodi nomeia Marito Ferreira nu’udar Prezidente Konsellu Administrasaun Eletrisidade Timor-Leste, Empreza Públiku  (EDTL, E.P) no Gustavo da Cruz nu’udár Prezidente Konsellu Administrasaun Bee Timor-Leste, Empreza Públiku (BTL, E.P.).

Lee Mós: Konsellu Ministru Aprova Projetu Dekretu-Lei Kona-bá Estatutu Foun PNTL

Reuniaun Konsellu Ministru. Foto/Dok.Tome da Silva.

Sira sira idak-idak sei hala’o serbisu ho mandatu tinan haat (4), hahú husi loron 01 fulan-Novembru 2024 to’o 2028. “Nomeasaun hirak-ne’e signifika katak prezidente uluk sira, Paulo da Silva (EDTL,E.P) ho Carlos Peloi dos Reis (BTL,E.P) sei hetan destituisaun, no tama iha vigór hahú loron 1 fulan-Novembru 2024.” Hatutan.com sita pájina ofisial Governu Timor-Leste  https://timor-leste.gov.tl/, edisaun Sesta 04 Outubru 2024.

Empreza Estatál rua ne’e, harii iha tinan 2020, no iha misaun atu asegura prestasaun efisiente ba servisu esensiál sira ba populasaun.

EDTL, E.P maka responsavel atu hadi’a no haluan rede fornesimentu enerjia elétrika iha territóriu nasionál, enkuantu BTL, E.P. iha objetivu atu jere no fornese bee no saneamentu, hodi garante kualidade no asesibilidade ba servisu fundamental sira-ne’e.

Jornalista :Vito Salvadór