Connect with us
Pakote Ahi

Dili

STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran

Published

on

Hatutan.com, (04 Jullu 2024), Díli–Ministru Komérsiu  no Indústria Filipus Nino Pereira hetan asidente hodi halo nia sofre no tafui-raan tanba konsumu dosi baluk ida ne’ebé kontamina ho frasku ka botir-rahun.

Autoridade Polísia lori ona dose ne’ebé kontamina ho frasku ka botir-rahun hodi halo investigasaun. Foto/Tome da Silva

Insidente ne’e akontese bainhira Ministru Nino Pereira han hela dose baluk ida derrepente tata kona frasku no rezulta nia ibun laran kanek ho ran.  Ida-ne’e akontese iha ámbitu atividade break ba kafé nian iha   semináriu ho tema Visualizasaun  Internu MCI entre oportunidade no dezafiu governasaun integrasaun global – rejionál iha Timor Plaza, Díli, Kinta (04/07/2024).

Diretora Nasionál Regulasaun Komérsiu no Protesaun Konsumidór (DNRKPK), Manuela Silva Tilman  ne’ebé partisipa mós iha semináriu ne’e hateten ai-han ka dose ne’ebe  Ministru Nino pereira konsumu prepara husi traballadora Timor Plaza ba workshop refere.

“Realidade dose ne’ebé ministru Nino Pereira konsumu hetan frasku iha laran. Ita ko’alia kona-bá direitu konsumidór bainhira empreza ida nia prepara ai-han atu oferese ba konsumidór sira tenke prepara ho kondisaun ne’ebe ijiene no  di’ak ka seguru. Kondisaun ne’ebé mak prepara bá workshop  ne’e la di’ak no  akontese duni Ministru Nino Pereira  han depois hetan frasku iha laran. Depois frasku ida ne’e tama ona ba iha Ministru nia nanál depois haree ran sai kedas, tafui mai iha fraku no realidade ran mós sai kedan,” Manuela Silva Tilman haktuir bá jornalista sira.

Advertisement

Diretora Manuela Tilman hateten haree ba direitu konsumidór ida-ne’e konsidera krime, tanba impaktu ladi’ak bá ema nia saúde, tanba ne’e presiza iha investigasaun husi  autoridade relevante sira hanesan PNTL no mós AIFAESA.

Diretora Nasional Regulasaun  Komersiál no Protesaun dos Konsumudór  Manuela Silva da Tilman relata ifnromasuan breve kona-bá insidente Ministru Nino Pereira konsumu dose kontamina ho frasku bá autoridade Polísia. Foto/Tome da Silva

Tuir observasaun Hatutan.com iha fatin akontesimentu nota katak  insidente ne’e mosu haleu tuku 10:00 dadeer ne’e  hafoin halo entrevista ho  jornalista,  Ministru Nino Pereira ba kedan meza ne’ebe ekipa husi Vista Coffe prepara, hafoin konsumu  dose (kue bandera) ne’ebé iha dose nia laran iha frasku, ministru  konsege nata duni frasku ne’e hodi rezulta ibun-laran kanek no ran.

Diretora Nasional Regulasaun  Komersiál no Protesaun dos Konsumudór  Manuela Silva da Tilman, mós tuir Hhla formasaun no nia kontaktu kedas autoridade relevante sira, hanesan polísia, saúde, AIFAESA ho PCIC to’o  kedas lokal akontesimentu hodi halo investigasaun.

To’o notísia ne’e publika parte kompetente  sira, liuliu  autoridade polisiál halo hela nia servisu hodi rekolla dadus, evidénsia no halo investigasaun ba insidente refere.

Jornalista : Leopoldina de Carvalho

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Dili

Reabilitasaun Merkadu Manleu Atinje Porsentu 73 no Merkadu Taibessi Porsentu 85

Published

on

Hatutan.com, (19 Jullu 2024), Díli–Reabilitasaun merkadu Manleu atinje  73% no merkadu Taibessi atinje ona 85%.

(more…)

Kontinua Le'e

Dili

Projetu Emerjénsia Sira iha Díli Laran Atinje Porsentu 80

Published

on

Hatutan.com, (19 Jullu 2024), Díli-Maioria projetu emerjénsia sira ne’ebé Ministériu Obras Públikas (MOP) halo adjudikasaun direta bá kompañia sira hodi halo reabilitasaun estrada sira iha kapitál Díli kuaze atinje  porsentu 80 (80%).

(more…)

Kontinua Le'e

Dili

Governu Seidauk Fó Indenizasaun bá Komunidade Afetadu Eviksaun SEATOU

Published

on

Hatutan.com, (16 Jullu 2024), Díli Parlamentu Nasionál liuhosi Deputadu Bankada FRETILIN, António Calau preokupa ho promesa Governu nian atu fó  indenizasaun bá komunidade afetadu evokasaun husi polítika  Sekretará Estadu asuntu Toponomia  no Urbanizasaun (SEATOU).

(more…)

Kontinua Le'e
Advertisement

Trending