Connect with us
Pakote Ahi

Manatuto

Autóridade Lokál Sira Preokupa Komunidade Uza Kilat-Anin Kasa Balada Fuik

Published

on

Hatutan.com, (26 Maiu 2024), Manatuto-Autoridade lokál no komunitáriu sira iha Postu Administrativu Laclo, Munisípiu Manatuto, preokupa ho komunidade balun utiliza kilat-anin (senapan angin), hodi kasa arbiru balada fuik inklui mós balada maus sira iha área refere.

 Xefe Suku Uma-Naruk, José Alves da Costa nota  durante nee komunidade barak mak uza kilat-anin hodi tiru estraga hotu animal fuik sira, liu-liu manu lakateu, manu-tafui ne’ebé to’o oras ne’e kuaje lakon hotu ona.

Sekretáriu Estadu Floresta (SEF), Fernandino Vieira da Costa, aprezenta hrla kilat-anin ne’ebé guarda Floresta sira prende husi komunidade iha área remota. Foto/Mídia SEF

“Hanesan autóridade lokál, ha’u preukuda duni ho situasaun ne’e, tanba bele dehan katak, maiória komunidade mak uza kilat-anin livre loos hodi tiru estraga  balada sira iha ai-laran ne’ebá. Ha’u bele dehan katak, iha ha’u nia suku ne’e, kada ema ida, iha kilat-anin rua. Sira uza kilat anin hirak ne’e kasa iha loron no mós kalan. Bele karik, husu polísia sira hola medida ruma hodi prende tiha hotu, sé lae, tinan lima ka neen mai tán, ai-laran tuan sira laiha ona manu-fuik,” Xefe Suku Uma-Naruk, José Alves da Costa, hateten bá Hatutan.com iha Postu Administrativu Laclo, foin lalais ne’e.

Xefe Aldeia Reahato, Florindo dos Santos husu Ofisial Polísia Suku (OPS) Uma-Naruk nian atu halo mós kontrolu bá situasaun preukupante ida-ne’e, iha área izolada sira, tanba komunidade Reahato balu mós  utiliza arma tradisional (rama) hodi kasa manu-lakateu, meda, fahi-fuik no mós lekirauk.

Advertisement

“Iha ami nian Reahato ne’e mós tanba área ida ke hela dook hosi sidade, entaun, komunidade sira iha ne’e kaer sasán sira ho avontade loos. Sira kaer sasan kroat sira ne’e tanba iha foho nee hatene de’it ona, dook hosi merkadu nasional, ami komunidade nia moris mak halo de’it toos, no kasa, tanba natar mós laiha. Tanba ne’e, sé dehan atu prende mós ami sempre koopera ho polisia, mais naran katak, parte relevante sira tenke mai halo uluk mós sosializasaun ruma, nunee komunidade bele iha koñesimentu natón, oinsá impaktu hosi kasa ilegál no estraga animal fuik sira,” dehan Florindo dos Santos.

Xefe Suku Lakumessak, Filomeno Rodriguês Pereira Cárceres konsidera aktu kasa arbiru animal fuik sira ne’e mak kontribui bá estraga flora no fauna, tanba bainhira animal sira ne’e lakon hotu, maka  ai-horis sei la fó ksolok bá kriatura. Tanba ne’e, nia sujere bá Instituisaun PNTL liuhosi eskuadra ho membru OPS sira ne’ebé besik, atu buka rekolla tiha hotu arma ilegais hirak ne’e, hodi nunee bele proteje Timor-Leste nia rekursus naturais.

CGF Tenke Prende Kilat-Anin

Sekretáriu Estadu Floresta (SEF), Fernandino Vieira da Costa simu kilat-anin ne’ebé Guarda Floresta sira prende husi komunidade. Foto/Mídia SEF

Iha sorin seluk, Governu liuhosi Sekretáriu Estadu Floresta (SEF), Fernandino Vieira da Costa, fó ona orientasaun ona bá Korpu Guarda Florestál sira (CGF-sigla portugés) atu halo kontrolu másimu hodi prende hotu  kilat-manu sira ne’ebé durante ne’e sirkula iha komunidade nia leet.

Dekretu-Lei Númeru 26/2012  koalia kona-bá “Ambientál” ninian, ho ninia regulamentu sira la autoriza atu komunidade sira kaer kilat-manu ka kilat-anin hodi sirkula ilegál, no sá tán uza hodi estraga hotu Fauna (kasa ka tiru mate hotu balada fuik sira) ne’ebé mak iha mós direitu atu moris.

Korpu Guarda Floresta sira ne’ebé ma koras ne’e destakadu iha munisípiu sira, postu administrativu no tama to’o ona mós bá suku sira, hala’o hela sira-nia kna’ar, kontrola komunidade ne’ebé kaer kilat-manu ielgál, no uainhira hetan, sei halo kedas apreensaun.

Advertisement

“Ne’e labele. Ne’e bandu. Ita hatene katak, kilat-manu ne’ebé sira uza, sira utiliza bá kassa, utiliza bá oho animál sira ne’ebé maka hanesan governu bandu, ne’ebé maka tuir dekretu-lei númeru 26/2012, kona-bá ambientál nian, ne’ebé, ida ne’e lei bandu. Tanba ne’e maka hanesan governu iha dever no obrigasaun para regula nomós bele prende kilat-manu sira ne’ebé mak hanesan sirkula iha ita nia rai ilegál,” Sekretáriu Estadu, Fernandino Vieira da Costa, hateten bá Hatutan.com hafoin partisipa iha eventu ho tema “Sorumutuk ho parseiru sira bá dezenvolvimentu Timor-Leste”, iha Ministériu Finansas, Ai-tarak Laran, Díli, Sesta,  foin lalais.

Hatán kona-bá polítika SEF nian bá oin atu kombate kilat-manu sira sirkula ilegál ne’e, Fernandino Vieira, dehan, iha loron 1 fulan-jullu 2023, nia simu tomada nu’udár sekretáriu estadu ida haree kona-bá asuntu Florestá ninia iha MAPPF, iha IX Governu Konstitusionál ida ne’e, nia orienta ona korpu guarda florestál no tékniku sira ne’ebé maka iha munisipiu sira iha territóriu timor laran tomak, atu bele prende kilat-manu sira ne’ebé mak sirkula iha área sira ne’e.

“Kilat-manu sira ne’ebé mak hanesan iha munisípiu sira, iha postus, iha sukus, ita prende, hodi nune’e bele aruma iha fatin ruma no halo destruisaun,” tenik nia.

Kona-bá dadus kilat-manu hirak mak durante CGF sira halo apreensaun, sekretáriu estadu ne’e la fiksa númeru hira, maibé, CGF sira iha Munisipiu Lautem, Ainaro ho Covalima, kada loron sira prende.

“Ne’ebé totál númeru ne’ebé mak hanesan iha, kilat-manu nian, ha’u seidauk hatene klaru, maibé, kuaje lorloron, semana-semana no fulan-fulan sira sempre hetan kilat-kanu no sira prende. Komunidade sira ne’ebé maka kaer, utiliza laloos, ita-nian korpu guarda Floresta sira sei kaer, no sei prende,” nia informa.

Advertisement

“Ha’u hanoin, kilat-manu ne’e ita kuandu utiliza bá nesesidade ne’ebé mak ladun fó ameasa bá ita-ninia Fauna, ne’e bele. Maibé, ita utiliza fali bá estraga ita-nian habitat, ita nia fauna, ita nia balada fuik sira ne’ebé maka hanesan iha mós direitu bele moris, ita bá estraga, ida ne’e maka governu bandu. Tanba ne’e maka, ita orienta bá korpu guarda Floresta, para atu bele priende kilat-manu sira ne’ebé mak sirkula ilegál,” Sekretáriu Estadu, Fernandino Vieira, hateten.

Xefe Estadu maiór FALINTIL Forsa Defeza Timor-Leste (F-FDTL), Tenente Jenerál Domingos Raúl “Falur Rate Laek,”, afirma katak, lei iha tiha ona, tanba ne’e nia husu bá korpu guarda florestál sira atu kontrolu ho másimu, nune’e komunidade labele uza fali arma ida ne’e hodi estraga fali balada fuik sira, ne’ebé loloos sai hanesan rikusoin TL nian.

“Oiiiih, ida-ne’e Lei iha ona, sira guarda florestál iha ona, uluk polisia kaer bebeik, hatama bebeik, agora tenke kontrola, para sira infiltrasaun ilegál mak labele mai fa’an tán buat ne’e. ne’e Polisia ninian seguransa, ministériu interior mak tenke haree ida ne’e,” dehan Falur Rate Laek.

Tuir informasaun no dadus ne’ebé Hatutan.com asesu iha Pájina Ofisial Facebook “Secretario de Estado das Florestas Eng. Fernandino Vieira da Costa” fó sai katak   Korpu Florestal sira liuhosi operasaun rutina, halo ona apreensaun ka prende kilat-anin hamutuk 50 resin hosi komunidade sira iha Munisípiu Aileu, Lautem, Ainaro no mós munisipiu sira seluk.

Jornalista: Rogério Pereira Cárceres

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Manatuto

Governu Sei Transforma Betano Sai Sidade Administrativu bá Petróleu-Minerais

Published

on

Hatutan.com, (16 Jullu 2024), MANATUTO—Governu liu-hosi Ministériu Petróleu no Rekursus Minerais (MPRM) planeia ona atu transforma suku Betano sai sidade administrativu ida bá petróleu no minerais nian.

(more…)

Kontinua Le'e

Manatuto

Monumentu Arautos do Evangelho iha Manatuto Fó Omenajen bá Padre ho Madre Sira-Nia Kontribuisaun

Published

on

Hatutan.com, (04 Maiu 2024), Manatuto –  Bispu Dioseze Baucau, Dom Leandro Mari Alves, akompaña husi reprezentante Santa Sé iha Timor-Leste, Dom Marco Sprizzi, Sábadu (04/05/2024), fó bensan bá monumentu Arautos do Evangelho iha Manatuto nu’udár símbolu omenajen bá padre ho madre sira-nia kontribuisaun bá prosesu libertasaun Timor-Leste.

(more…)

Kontinua Le'e

Manatuto

Governu Lansa Sistema Balkaun Úniku Promove Desentralizasaun no Prestasaun Servisu Nivel Lokál

Published

on

Hatutan.com, (04 Maiu 2024), Manatuto -Primeiru-Ministru (PM), Kay Rala Xanana Gusmão, Sábadu (04/05/2024),  iha Munisípiu Manatuto, lansa ona sistema Balkaun Úniku atu promove prosesu desentralizasaun no prestasaun servisu nivel lokál.  

(more…)

Kontinua Le'e
Advertisement

Trending