Hatutan.com, (18 Jullu 2026), Díli– Tribunál Judisiál Primeira Instánsia Díli (TJPID), Sábadu (18/07/2026), hatún despaixu ba kazu atividade ilísitiu Scam Call Centre Fomento II ne’ebé envolve arguidu na’in-27.

Lee Mós: PCIC Detein Tan Suspeitu Jogu Online Na’in-27 husi Xina iha Fomento II

Suspietu kazu scam call centre Fomento II. Foto/Marcelino Tomae

Iha despaixu finál juis koletiva  ba kazu atividade ilísitu ne’e aplika medida kausaun US$4000 bá arguidu na’in-26 no aplika medida prizaun preventiva bá arguidu na’in-ida tanba tenta suborna pesoál Polísia Sientífiku Investigasaun Kriminál (PCIC-siglapPortugés).

Iha audiénsia primeiru interrogatóriu kontiuasaun bá kazu jogu ilísitiu Scam Call Centre Fomento-II  iha TJPID Sábadu (18/07l2026), Ministériu Públiku, liu-husi Prokuradór Domingos Goveia, promove  arguiduna’i-27 ho nasionalidade Xina komete krime sira hanesan jogu ilísitiu, burla informátika, asosiasaun kriminoza no brankeamentu kapitáis.

Tanba gravidade husi akuzasaun  no atu garante arguidu sira hela disponível bá prosesu justisa, Minitériu Públiku husu Tribunál atu aplika medida kausaun US$5000 bá kada arguidu, no médidia proibisaun  aujénsia ka bandu  sai  husi territóriu Timor.

Ministériu Públiku  fundamenta katak arguidu nain-ida husi sira-na’in-27 alegadamente tenta oferese osan bá  PCIC durante prosesu investigasaun. Alegasaun ida-ne’e konsidera hanesan fatór importante ne’ebé bele afeta integridade investigasaun no aumenta risku atu interfere  prosesu justisa.

Ekipa defeza ne’ebé kompostu husi advogadu privadu Januário Martins, Otavio Cardoso no  José Pedro Camões, la aseita ho proposta Ministériu Públiku, nune’e  defeza argumenta montante kausaun ne’ebé Ministériu Públiku husu aas liu, no husu Tribunál atu konsidera aplika medida kausaun entre US$2500  ka US$3000 bá kada arguidu.

Rona tiha alegasaun ne’e, Tribunál liu-husi koletiva Estajiariu  na’in tolu, intende no kosiderera  iha indísiu forte bá  arguidu  na’in-27  hola parte iha  atividade jogu ilísitu Scam Call Centre.

Tribunál  aplika medida  koasaun prizaun preventiva bá arguidu na’in-idaho inisiál LLJ,   alegadu jogu ilísitu no burla informátika iha Fomento II, tanba konsidera alegasaun arguidu ne’e, tenta influensia prosesu investigasaun ho oferese  osan bá membru Polísia Sientífika Investigasaun  Kriminál (PCIC).

Enkuantu arguidu na’in-26 tribunál  aplika medida Prebuisaun hodi Aujénsia hodi bandu  la bele sai husi territóriu Timor ho médida kausaun US$4000 kada arguido ho prazu loron 20.

Iha Tersa, 14 fulan-Julu 2026, Polísia Sientífika Investigasaun Kriminál (PCIC) halo operasaun no identifikasaun hodi  detein  siuspeitu na’in-27 iha área Femento-II, Díli.

Operasaun PCIC  nian ne’e indentifika  no detein sidadaun estranjeiru ho nasionalidade  Xina na’in-27 iha Fomento II tanba deskonfia  hala’o atividade jogu online Scam Call Centre.

Jornalista:Marcelino Tomae