Jornalista: Felix Fernandes

Hatutan. com, (26  Outubru 2026), Díli—Orsamentu Jerál Estadu (OJE 2027 ne’ebé aloka ba Ministeriu Transporte no Komunikasun (MTK) iha kategoria bens servisu aumenta husi millaun 13 USD ba millaun 14 USD.

Traballadór sira halo servisu ba konstrusaun aeroportu internasionál Prezidente Nicolau Lobato. Foto/Felix Fernandes

Prezidente Komisaun E  Parlamentu Nasionál, Marcos Xavier informa, orsamentu iha kategoria bens servisu ba MTK nian iha tinan 2027 aumenta tanba presiza halo transferénsia millaun 1.8 USD ba Administração de Aeroportos e Navegação Aérea de Timor-Leste, Empresa Pública (ANATL.E.P) ne’ebé mak hala’o hela servisu ba konstrusaun Aeroportu Internasionál Prezidente Nicolau Lobato.

“Ba Autoridade Aviasaun Sivil Timor-Leste (AACTL) nia osan redus tiha, uluk US$900.000,00 resin agora tun ba US$800.000,00-resin,”Deputadu  Marcos Xavier relata ba jornalista sira hafoun audénsia públika ho MTK iha PN, Segunda (26/10/2026).

Ministru Transporte no  Komunikasun Miguel Marques Gonçalves “Manetelu” klarifika liu tan katak, OJE 2027 ba administrasaun Estadu ne’ebé tutela ba MTK husi Komité Revizaun Orsamentu Polítika  (CROP) no mós apresiasaun ho Konsellu Ministru hodi aumenta ba  millaun 14 USD    husi OJE 2027 nian hodi prepara ba seguransa subernetika ba preparasaun ASEAN iha tinan 2029.

Nia hatutan katak, ho orsamentu millaun 14 USD ne’ebé aloka ba MTK ne’e la inklui osan sira ne’ebé mak aloka ba ajensia sira ne’ebé mak hanesan AACTL, ANC ,TIC  Timor ho APORTIL maibé osan  millaun 14 USD ne’e aloka de’it millaun 1.8 USD Ba ANATL,I.P.

Orsamentu 2026 ne’ebé aloka ba MTK ho montante  millaun 12  USD tanba ne’e OJE 2027 aumenta tan millaun 2 USD  hodi atualiza sistema no servisu balun husi TIC Timor nian hodi halo preparasaun ba lideransa ba ASEAN 2029. (*)