Hatutan.com, (03 Jullu 2024), Díli—Parlamentu Nasionál (PN) sei realiza posé bá komisáriu Comissão Anti Corrupção (CAC), Rui Pereira iha loron 5 fulan Jullu.

“Tomada de posé bá komisáriu CAC ne’e sei realiza iha semana ida-ne’e. Posivel iha Sesta,” Prezidente Parlamentu Nasionál, Maria Fernanda Lay hateten iha PN, kuarta (03/07/2024).

Lee Mós: Eleisaun Komisáriu CAC, Rui Pereira Pasa ho Votu Afavór 41, PLP Kontra no FRETILIN Walk Out

Iha fatin hanesan, deputada Nurima Ribeiro Alkatiri haktuir, bankada FRETILIN simu ona informasaun kona-bá serimónia pose iha sesta 05 fulan Jullu, maibé bankada seidauk iha desizaun atu partisipa.

“Ami seidauk halo reuniaun kona-bá serimónia tomada de posse bá komisáriu CAC nian,” Nurima Ribeiro Alkatiri hateten.

Parlamentu Nasionál realiza eleisaun bá komisáriu CAC bá períudu 2024-2028  ho votus maioria (41) ho kandidatu úniku maka Rui Pereira, iha PN (24/06/2024).

Jornalista Estajiária: Zita Menezes