Hatutan.com, (28 Jullu 2025), Díli—Prokuradór Jerál Repúblika (PGR, sigla portugés), Nelson de Carvalho, seidauk simu dokumentu investigasaun ruma husi Polísia Sientífiku Investigasaun Kriminál (PCIC) kona-ba proseu fujitivu Kalumban Mali alias Leonardo Benigno Tilman.

Lee Mós: PM Xanana Sei Orienta Prosesa Fujitivu Kalumban Mali Hanesan Arnolfo Teves Jr

PGR Nelson de Carvalho. Foto/Média GPR

PGR Nelson de Carvalho hateten durante asume mandatu iha loron 13 fulan-Maiu 2025 to’o mai ohin loron, nia seidauk simu dokumentu komprovadu investigasaun husi PCIC kona-bá  prosesu fujitivu Kalumban Mali.  

“Ha’u laiha koñesimentu bá ida-ne’e,  seidauk hatene  tanba ha’u foin fulan-rua, bá iha pozisaun eskuziál, ne’ebé  ita-boot sira kuandu dehan kazu ida-ne’e tama ona iha Ministériu Públiku, ha’u  sidauk hatene   no dokummentu ida-ne’e seidauk tama bá ha’u nia gabinete,” PPGR Nelson Carvalho hateten hodi responde Hatutan.com iha ámbitu serimónia lansamentu livru tradusaun ofisiál Kodigu Sivíl Timor-Leste iha lingua Tétum  iha Tribunál Rekursu, Kuarta foin lalais ne’e.

Fó hanoin fali katak iha Segunda, 07 fulan-Jullu 2025,   Diretór  Nasionál PCIC, Vicente Fernandes e Brito, konfirma katak PCIC  remete tiha ona bá Ministériu Públiku (MP) kona-bá prosesu investigasaun ba kazu fujitivu Kalumban Mali  dezde tinan 2023.

Diretór  Nasionál PCIC, Vicente Fernandes e Brito hateten dezde tinan 2023 PCIC remete tiha ona prosesu hotu-hotu kona-bá  fujitivu Kalunban Mali  nian bá  Ministériu Públiku ba kazu deskonfia falsifikasaun dokumentu hodi hetan nasionalidade Timor ho naran Leonardo Benigno Tilman.

Kalumban Mali Alias Leonardo Benigno Tilman,  hetan sentensa husi Painél Juis Tribunál Krime Korrupsaun ka  Pengadilan Tindak Pidana Korupsi (Tipikor) Kupang  tinan-15 prizaun efetivu iha tinan 2016. Maibé, proses julgamentu bá kazu ne’e ho karater  in-absénsia ho ajenda akuzasaun final,  Kalumban Mali halai lakon to’o ohin loron.

Kalumban Mali sai hanesan fujitivu ka DPO (Daftar Pencarian Orang) Prokuradoria NTT ho Prokuradoria Jerál Repúblika Indonézia nian dezde kedas tinan 2026.

Kalumban Mali, envolve kazu fornesimentu adubu ka pupuk ho kuantidade tonelada  575 ho valor orsamentu millaun Rp 976. Kalumban Mali nu’udár Diretór CV Eka Cipta Persada ne’ebé hetan detensaun dezde loron 28 fulan-Fevereiru 2014.

Molok ne’e, iha Jullu 2013, Kalumban Mali sai hanesan kandidatu membru lejislativu husi  Partidu  Amat Nasonal (PAN) bá DPRD-NTT.

Jornalista: Marcelino Tomae