Internasionál
Xanana Agradese Ekipa RI-TL Ne’ebé ho Sakrifísiu Finaliza Markasaun Fronteira Terrestre
Hatutan.com, (02 Dezembru 2023), Díli—Primeiru-Ministru (PM), Kay Rala Xanana Gusmão hato’o apressiasaun boot bá ekipa Téknika Negosiasaun Fronteira Terrestre Indonézia (RI) no Timor-Leste (TL), ne’ebé lori tempu hodi finaliza ona servisu segmentu naun-rezolvidu Noel Besi-Citrana iha fronteira terrestre iha Oe-Cusse no Indonézia.
Primeiru-Ministru (PM), Kay Rala Xanana Gusmão foto hamutuk ho ekipa Téknika Negosiasaun Fronteira Terrestre Indonézia (RI) no Timor-Leste (TL), ne’ebé lori tempu hodi finaliza ona servisu segmentu naun-rezolvidu Noel Besi-Citrana iha fronteira terrestre iha Oe-Cusse no Indonézia. Foto: Espesiál.
Xanana konsidera servisu ne’ebé ekipa rua hala’o hahú loron 20 to’o 27 Novembru 2023 vizita ba to’o fronteira hodi finaliza segmentu naun-rezolvidu Noel Besi-Citrana lori tempu tinan 20-liu, sai nu’udár vitória boot ida sei salvaguarda soberania nasionál, hametin seguransa, garante afinidade sósiu-kulturál, no sei lori benefísiu sósiu-ekonómiku bá nasaun rua.
Lee Mós: TL-Indonézia Finaliza Negosiasaun Fronteira Terrestre no Avansa bá Asinatura Tratadu
PM dehan, bainhira iha hanoin di’ak no vontade ho espíritu atu hala’o servisu ida hasoru dezafiu oin-oin ida ho komplikadu, ekipa sei to’o ninia finalidade ka pontu ikus liu hodi hetan naroman ida bá rai rua no povu rua nia interese.
“Tanba ne’e ho imi hotu nia prezensa iha-ne’e besik semana ida, ita bele dehan, ita nia servisu finaliza ona. Talves iha terrenu ida halo diskusaun ho lian makas oitoan la’o kluer oitoan, maibé ita hotu nia esforsu ba objetivu ida, atu defende interese nasaun no povu rua. Tanba ne’e ha’u labele dehan, obrigado, tanba ida-ne’e dever ita hotu nian no nasaun rua nia interese. Ha’u sei bele hato’o de’it apresiasaun profunda ba ekipa rua nia servisu,” Hatutan.com sita komunikadu, Sesta (01/12/2023).
Xefe Ekipa Téknika Negosiasaun Fronteira Terrestre bá Segmentu Nuan-Rezolvidu RI-TL, Embaixadór, Abdul Kadir Jailani, hato’o mós nia agradesimentu bá Governu Timor-Leste hodi simu ekipa sira, koopera servisu ho di’ak.
“Obrigadu barak bá Primeiru-Ministru Xanana Gusmão, Embaixadór Roberto Soares no ekipa Timor-Leste no Indonézia. Ami sente onradu bele marka presenza iha kalan furak ida ne’e sai nu’udár sasin forte bá rai rua nia amizade,” Embaixadór Abdul Kadir Jailani, hateten iha komunikadu.
Embaixadór Abdul apresia servisu ekipa rua bele la’o ho susesu tanba suporta hosi Prezidente Joko Widodo no Primeiru-Ministru Xanana Gusmão ho nia ekipa Gabinete Fronteira Maritima no Terrestre.
Ho servisu ne’ebé ekipa tékniku finaliza ona, Estadu Indonézia hein Primeiru-Ministru Xanana bele hala’o vizita ofisiál iha Jakarta Indonézia iha fulan Janeiru 2024 hodi hodi asina akordu formál.
“Agora ami hein prezensa Primeiru-Ministru Xanana iha Jakarta-Indonézia hodi finaliza akordu formal ne’e,” Embaixadór Abdul espressa.
Xefe Ekipa Téknika Negosiasaun Fronteira Terrestre bá Segmentu Naun-Rezolvidu TL-RI, Embaixadór Roberto Soares, hato’o mós agradese bá domin no dedikasaun tempu tinan barak to’o finaliza servisu boot ida-ne’e.
Jornalista: Rogério Pereira Cárceres
Internasionál
Xanana Husu Universidade sira iha Portugal Aumenta Vaga Bá Estudante Timoroan iha Área Direitu
Tribunál Hahú Julgamentu bá Kazu Fornesimentu Kombustivel iha RTTL,E.P
Tribunál Aplika Médida Haat ba Arguidu Na’in-32 iha Kazu Scam Call Centre City-8
HABADA Husu MP Nia Seriedade Posesa Autór Sira Ne’ebé Presta Ona Deklarasaun Kona-bá Fasilita Jet Privadu Aterra iha IPNL
PNTL Sobu Tan Atividade Scam Call Centre iha Sola Otél iha Auhun-Becora
Kazu Scam Call Centre Fomento II, Arguidu Ida Tenta Suborna PCIC
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Justisa & Krime1 week agoParte Sira Fasilita Aterra Jet Privadu Cessna C700 iha AIPNL Presta Ona Deklarasaun no Hein Submete bá MP
-
Justisa & Krime1 week agoKazu Scam Call Centre Metiaut, Tribunál Muda Despaixu bá Proibisaun Aujénsia no Kausaun US$3000
-
Defeza & Seguransa1 week agoPNTL Dezmantela Tan Atividade Scam Call Centre iha Comoro ho Ulmera, Detein Xinés ho Indonéziu Na’in-90
-
Justisa & Krime1 week agoKazu Jogu Ilísitu iha Bebonuk, MP Solisita bá Tribunál Aplika Medida Kausaun US$3000 no Proibisaun Aujénsia
-
Justisa & Krime5 days agoPolémika Jet Privadu, Envolve Dirijente Na’in-10 no Na’in-hitu Hetan Ona Inkéritu Iha MP
-
Defeza & Seguransa1 week agoPCIC Detein Tan Suspeitu Jogu Online Na’in-27 husi Xina iha Fomento II
-
Opiniaun1 week agoKAZU SCAM ONLINE; Mídia Timor-Leste tenke barani hodi deskobre tambasa fasilmente kazu nee infiltra tama to teritoriu laran
-
Justisa & Krime1 week agoTribunál Aplika Médida Haat ba Arguidu 29 iha Kazu Scam Call Centre Manleuana