Hatutan.com (21 Jullu 2026), Díli – Tribunál Judisiál Primeira Instánsia Díli (TJPID),   aplika médida koasaun haat bá arguidu na’in-32 iha kazu  atividade ilísitu Scam Call Centre iha City-8.

Lee Mós: PM Xanana Observa Direta Atuasaun PCIC Desmantela Scam Call Centre iha City-8 no Kaer Mós Xinés 18 iha Kuluhun

Arguidu sira kazu scam call centre iha City-8 partisipa iha primeira interogatoriu iha TJPID, Tersa (21/07/2026). Foto/Marcelino Tomae

Julgamentu Primeiru Interogatóriu bá arguidu sira hahú iha Segunda, 20 Jullu 2026, iha sesaun ne’e, tribunál realiza uluk prosesu identifikasaun bá arguidu sidadaun Xinés na’in-32.

Ministériu Públiku, ne’ebé reprezenta husi Prokuradór Titulár Rafael Jerónimo Gusmão, akuza arguidu sira ho krime Brankeamentu Kapitáis, Asosiasaun Kriminoza, Eksplorasaun Jogu Ilísitu no Burla Informátika.

Iha nia alegasaun durante Primeiru Interogatóriu, Ministériu Públiku husuTtribunál atu aplika médida koasaun ne’ebé rigorozu liu, hanesan prizaun preventiva, tanba konsidera gravidade krime sira ne’ebé imputa ba arguidu sira no risku atu prejudika investigasaun ka halai husi prosesu investigasaun.

Advogadu Privadu  Fernando da Costa, Januario Martins, João Será, Otavio Cardoso,  husu Tribunál atu aplika medida kausaun ho Prebuisaun Aujénsia. Tanba Defeza sira konsidera medida sira ne’e  hanensan Prinsípiu jerál

Hafoin rona tiha alegasaun husi Ministériu Públiku no  defeza,  Tersa (21/7/2026),  Juíza prosesu Julmira Auxiladora deside aplika médida haat, hanesan termu identidade rezidensia (TIR)  aprezentasaun Periódidika semana ida dala ida (1) ,  Prebuisaun Aujénsia ho Prestasaun médida  kausaun US$2000  kada arguidu.

Jornalista: Marcelino Tomae