Connect with us
Pakote Ahi

Nasionál

Dom Norberto Amaral Ba Halo Tratamentu Saúde iha Malázia

Published

on

Hatutan.com, (23 Marsu 2022), Dili–Bispu Dioseze Maliana, Mgr. Noberto do Amaral,  Kuarta (23/03/2022), tuku 09:05 Otl, husik hela ona Timor-Leste ho aviaun Malindo Airways hodi ba halo tratamentu saúde iha Malázia.    

Kay Rala Xanana Gusmão, Francisco Kalbuadi Lay no maluk balun tan, akompaña Dom Norberto Amaral iha Sala VIP Aeroportu Internasionál Prezidente Nicolau Lobato, Dili, molok Dom Noberto husik hela Timor Leste hodi ba halo tratamentu saúde iha Malázia, 23 fulan-Marsu 2022. Foto/Espesiál

Sarani katóliku Dioseze Maliana nian balun,  Diose Dili nian balun, inklui padre no madre sira, hamutuk ho lider karizmátiku no atuál Prezidente Partidu CNRT, Kay Rala Xanana Gusmão ho nia Sekretáriu Jerál, Francisco Kalbuadi Lay, no Sekretáriu Jerál Partidu Demokrátiku (PD), António da Conceição “Kalohan” ho kuadru partidu PD ho CNRT nian balun tán, akompaña hela Dom Norberto iha aeroportu Internasionál Prezidente Nicolau Lobato iha oras balun molok ho aviaun Malindo husik Timor-Leste.

Iha sala VIP Aeroportu Internasionál Prezidente Nicolau Lobato, Xanana ho Francisco Kalbuadi Lay no António “Kalohan”, inklui leigu sira balun Dioseze Maliana ho Dili nian, hato’o korajen ba Bispu Dom Norberto Amaral atu kontinua iha kbiit no esperansa ho Nai Nia mahan ba Malázia hodi halo tratamentu saúde to’o fila mai Timor Leste.  

“Ami hotu, maun-boot Xanana ho kuadru partidu CNRT balun, no maun António “Kalohan” no kuadru PD nian balun tán, inklui padre no madre sira, ami ba akompaña Dom Norberto iha Aeroportu Prezidente Nicolau Lobato hodi hato’o mós ita-nia mensajen korajen ba Dom Norberto no ita timoroan hotu reza ba Dom Norberto Amaral, atu bele rekupera lalais nia saúde,” Sekretáriu Jerál partidu CNRT, Francisco Kalbuadi Lay  informa ba Hatutan.com hafoin akompaña Xanana Gusmão lori Dom Norberto ba Aeroportu Internasionál Prezidente Nicolau Lobato.  

Advertisement

Iha kalan 28 fulan-Fevereiru 2022, Bispu Dioseze Maliana Dom Norberto do Amaral, lori halai ba halo tratamentu saúde intensivu iha Intensive Care Unit (ICU) Ospitál Nasionál Guido Valadares (HNGV) tanba sofre moras tensaun ás. 

Diretór Klínika HNGV, Marcelino Correia, tempu ne’ebá informa katak Bispu Dioseze Maliana, Dom Norberto do Amaral, hateten, iha kalan  ne’ebá Bispu Noberto Amaral mai husi Maliana no iha dalan nia hetan problema atakasaun ho nia tensaun ás hodi lori keda mai baixa iha ICU HNGV.

Bispu Dioseze Maliana, Mgr. Noberto do Amaral, foto hamutuk ho Xanana Gusmão, Francisco Kalbuadi Lay, António “Kalohan” ho sira-seluk tan iha Sala VIP Aeroportu Internasionál Prezidente Nicolau Lobato, Dili, 23 fulan-Marsu 2022. Foto/Espesiál

Durante ne’e mós Dom Norberto do Amaral moras fuan, tanba ne’e bainhira lori mai HNGV Bispu nia kondisaun saúde ladún estavel no halo Bispu ko’alia mós ibun kuaze to’os hotu.

Daudaun ne’e, kondisaun jerál Dom Noberto nian rekupera fali ona, tensaun tuun fila fali, no ibun ne’ebé to’os ne’e normal fila fali, maibé presiza nafatin ba halo konsulta no check-up nia saúde. 

Dom Noberto Amaral, hili no nomeia husi Amu Papa Bento XVI nudár Bispu ba Dioseze foun Maliana iha loron 30 fulan-Janeiru 2010 iha ámbitu selebrasaun loron Domingu Bom Pastór.

Dioseze Maliana kobre Munisípiu tolu hanesan, Liquiça, Bobonaro, Covalima. Maliana hanesan Postu Administrativu  ida husi Munisípiu Bobonaro, ne’ebé jeografikamente iha fronteira parte loro-monu Estadu Timor-Leste nian ne’ebé baliza ho Distritu Belu, Provínsia Nusa Tenggara Timur (NTT), Indonézia.

Advertisement

Jornalista: Vito Salvadór

 

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Horta ho Xanana Tuun Direta Simu Liurai Brunei Darussalam Majestade H. Hassanal Bolkiah

Published

on

Hatutan.com, (20 Maiu 2024), Díli- Prezidente Repúblika (PR), José Ramos-Horta ho Primeiru-Ministru Kay Rala Xanana Gusmão hamutuk ho membru governu sira simu ho ksolok prezensa Sua Majestade Haji Hassanal Bolkiah, Sultaun Brunei Darussalam ne’ebé too  iha Repúblika Demokrátika Timor-Leste hodi partisipa iha selebrasaun loron Restaurasaun independénsia ba dala-XXII (20 Maiu 2002-20 Maiu 2024).

(more…)

Kontinua Le'e

Nasionál

Ramos-Horta Kondekora Timoroan no Sidadaun Estranjeiru Ne’ebé Kontribui bá Dezenvolvimentu TL

Published

on

Hatutan.com, (19 Maiu 2024), Díli- Iha selebrasaun aniversáriu restaurasaun independénsia Timor-Leste nian bá dala-XXII (20 Maiu 2002- 20 Maiu 2024) Prezidente Repúblika José Ramos-Horta kondekora timoroan  no sidadaun estranjeiru sira ho grau orden Timor-Leste nian hodi fó rekoñesimentu bá sira-nia dedikasaun no kontribuisaun bá dezenvolvimentu Timor-Leste. 

(more…)

Kontinua Le'e

Nasionál

FPCI Apresia Toleránsia Relijiozu iha Timor-Leste Ne’ebé Reflete Fiar no Kultu Moris Povu Nian

Published

on

Hatutan.com, (17 Maiu 2024), Díli- Foreign Policy Community in Indonesia  (FPCI) apresia ho toleránsia relijiozu iha Timor-Leste ne’ebé reflete ho fiar no kultu moris povu nian.

(more…)

Kontinua Le'e
Advertisement

Trending