Connect with us
Pakote Ahi

Saúde

UNDP Kontinua Tulun MS Kompras Fasilidade Médika

Published

on

Hatutan.com, (20 Juñu 2022), Díli– United Nations Development Programme (UNDP) iha Timor-Leste, kontinua fó tulun bá Ministériu Saúde (MS), hodi kompras ekipamentu sira médiku nian, ho items hamutuk 118, ba armazén Servisu Autónomu Medikamentu no Ekipamentu Saúde (SAMES).

UNDP iha Timor-Leste, kontinua fó tulun bá Ministériu Saúde (MS), hodi kompras ekipamentu sira médiku nian. Foto/Hatutan.com

Reprezentante UNDP ho World Food Programme (WPF), Segunda (20/06/2022), simbólikamente entrega ekipamentu médiku nian ne’e bá SAMES, no simu direta hosi Ministra Saúde (MS), Odete Maria Freitas Belo, iha Kampung Alór, Díli.

Reprezentante UNDP, Munkhtunya Altangerel, espresa sira-nia haksolok hodi entrega ekipamentu médiku sira ne’e bá dala-lima nian, ne’ebé mak buka sustenta liuhosi UNDP hodi Governu TL nia naran.

“Ho totál kategoria diferente 118 ba sasán médiku sira ne’ebé mak to’o mai Díli, iha fulan ikus Fevereiru 2022 ne’e, to’o fulan klaran Juñu 2022,” reprezentante UNDP, Munkhtunya Altangerel, hateten durante intervensaun iha serimónia termu entrega ekipamentu médika iha armazén SAMES.

Advertisement

UNDP sei kontinua servisu hamutuk ho MS, hodi haruka restante bá konsumável, ekipamentu médiku no medikamentu sira. Realidade hatudu katak, TL presiza ekipamentu barak liután, atu bele to’o mai iha Díli, no tuir planu sei to’o iha fulan-Juñu nia rohan, ka inísiu fulan-Jullu mai.

“Ami hakarak hato’o agradesimentu ba ita boot sira nia konfiansa forte ba UNDP, no mós bá ekipa MS, ba sira-nia kolaborasaun efisiente ho ekipa UNDP iha Díli, Copenhagen hodi garante akizisaun ba sasán medikamentu esensiál sira to’o mai iha Díli tuir tempu,” Munkhtunya Altangerel agradese.

Iha fatin hanesan, Ministra Saúde Odete Maria Freitas Belo, dehan, organizasaun UNDP, hala’o servisu hamutuk ona ho MS, iha área aprovizionamentu nian.

Odete Freitas afirma, ekipamentu sira ne’e, la’ós doasaun, maibé servisu parseria ne’ebé mak hala’o entre MS ho UNDP, tanba sira iha esperiénsia iha área aprovizionamentu nian.

“Ho problema ne’ebé mak ita enfrenta, pandemia Covid-19, ajuda ita atu, la’ós ita de’it mak halo servisu aprovizionamentu. Loos duni katak, iha SAMES ne’ebé mak hala’o servisu aprovizionamentu, maibé la taka dalan ba ita atu servisu ho parseiru sira seluk, atu bele hala’o mós prosesu aprovizionamentu nian. La signifika katak ita la hatene, maibé iha esperiénsia ne’ebé mak diferente,” Ministra Saúde, Odete Maria Freitas Belo hateten.

Advertisement

Odete Belo husu bá SAMES atu labele rai kleur ekipamentu médiku sira ne’e iha armazén, maibé tenke halo kedan ona distribuisaun ba sentru no postu saúde sira iha munisipiu, tuir pedidu ne’ebé mak sira hatama ba iha SAMES.

Fasilidade médika sira ho items hamutuk 118 ne’e, kompostu hosi, kategoria ba konsumaveis nian iha (72), ekipamentu médiku no asesóriu sira (42), medikamentu esensial (4), embalajen transparente iha unidade (52.000), steriking & sterilization pouch self-seal ho unidade (24,600), 3-way stop cock Lipit resistant iha pakote (10,000), Gelatamp Curaspon ho unidade (5,000).

Hand towel rolls ho totál rolu (3,000), Fujifilm medical X-ray film super HR-U30, hamutuk unidade (2,000), Spongostan Absorbable Haemostatic Gelatin Sponge, unidade (1,000).

Vicryl  Mesh 6×5 cm, resorbable iha unidade (501), Formaldehyde, ho garafas (500.000), Universal CPAP Hose Tube 5.4 Foot Length 22 mm Diamater, iha pakote (150).

Ekipamentu, instrumentu no asesória hirak ne’e, sosa hosi nasaun Bélgica, Xina, Finlándia, Alemaña, Índia, Itália, Japaun, Polandia, Suésia, Reinu Unidu, no Estadus Unidus Amérika.

Advertisement

Enkuantu, ekipamentu médiku no instrumentu ka asesória sira inklui item boot sira hanesan, Dressing iha pakote (400), Delivery sets iha pakote (300), Spo2 sensór Monitór ba Pasiente Labarik no Adultu, iha pakote (300).

Mayor, Minor Basic Surgery Set, pakote (100), IUD Set, ho pakote (100), OT lamp led portable, iha pakote (10), Beneheart D3 Defibrillator/monitor, pakote (8), Operating Table Electro-Hydraulic, pakote (4), Anaesthetic Machine, pakote (4), no pakote (5) hosi Orthopedic instruments.

Ekipamentu médiku no asesória sira ne’e, sosa hosi Austria, Alemaña, Pakistaun, Luxemburgo, Olanda, EUA, Tailándia, no Xina.

Medikamentu sira ne’ebé mak maioria ho items boot mak hanesan, ai-moruk musan Griseofulvin 125 mg-BP, hamutuk rihun 190, Lignocaine 2% + Adrenaline, ho unidade rihun 5, ai-moruk musan Cloxacilin 125mg/5 ml pow.f.susp 100ml, hamutuk rihun 4,500, ai-moruk musan Phenytoin sodium 100 mg, iha rihun 2. Medikamentu sira ne’e, sosa hosi nasaun Europeia ho India.

To’o ohin loron, 20 fulan-Juñu 2022, UNDP simu osan hosi MS ho montante hamutuk $5,400,000, aumenta tán ho fundu adisionál hamutuk $1,500,000, hodi halo akizisaun ba faze daruak nian.

Advertisement

UNDP utiliza tiha ona orsamentu hirak ne’e, no rezerva ka booking tiha ona ho totál $6,389,732,79, hodi gastu ba sosa ai-moruk sira, ekipamentu médiku, instrumentu sira, ba transportasaun no taxa ba manejamentu servisu UNDP nian.

Orsamentu balansu hosi rihun $510,267,21, sei gastu hodi prokura restante item no kustu transportasaun ba medikamentu no ekipamentu sira.

Jornalista      : Rogério Pereira Cárceres

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Saúde

Labele Bandu Jornalista sira Halo Kobertura iha HNGV

Published

on

Hatutan.com, (25 Juñu 2024), Díli–  Provedoria Direitu Umanu no Justisa (PDHJ),  Virgílio da Silva Guterres, husu pesoál sira iha Ospitál Nasionál Guido_Valadares  (HNGV) atu labele bandu jornalista sira halo kobertura iha HNGV tanba fatin públiku.

(more…)

Kontinua Le'e

Saúde

(HOAX) Ema Mate iha HNGV Tanba Laiha Ai-moruk

Published

on

Hatutan.com, (20 Juñu 2024), Díli—Ikus-ikus ne’e espalla informasaun oioin iha plataforma mídia sosiál katak pasiente ho númeru aas mate iha Ospitál Nasionál Guido Valadares (HNGV) tanba laiha ona ai-moruk ka estoke out ai-moruk tama ona iha faze ida grave tebes.

(more…)

Kontinua Le'e

Saúde

HNGV Enfrenta Problema Overload Pasiente no Estoke Out Ai-moruk 11%

Published

on

Hatutan. com, (19 Juñu 2024), DíliMinisteriu Saúde liuhosi Ekipa Integradu Saúde (EIS) rekoñese  númeru pasiente iha Ospitál Nasionál Guido Valadares (HNGV)  overload.

(more…)

Kontinua Le'e
Advertisement

Trending