Hatutan.com, (05 Outubru 2022), Díli— Bazeia ba orientasoen hosi Ministru Justisa (MJ) Tiago Amaral Sarmento ba Diresaun Nasionál Servisu Prizionais no Reinsersaun Sosiál (DNSPRS) Ministériu Justisa, atu atulaiza informasaun kona-bá dadus hosi Estabelesimentu prizionál tolu iha Timor-Leste (TL) hanesan Establesimentu Prizionál Becora, Gleno no Suai ba Públiku.

Ministru Justisa, Tiago Amaral Sarmento hala’o vizita ba Estabelesimentu Prizionál Becora. Foto/MJ.

“Nune’e, DNSPRS liuhosi departementu Informasaun, koordena ona ho Gabinete Ministru hodi publika informasaun kona-bá mudansa ka estatístika prezu iha estabelesimentu Prizionál tolu kada loron,” Hatutan.com sita komunikadu.

Lee Mós:Hafoin Inséndiu, MJ Orienta Dirijente Prizaun Becora Haketak Prezu Ho Moras Mentál

Tuir mai atualizasaun informasaun iha Estabelesimentu Prizionál tolu ba loron 03 Outubru 2022 nian liga ba situasaun Jurídiku, Sexo, Nasionalidade no idade ba prezu sira;

Totál dadur iha prizaun tolu ba loron ohin hamutuk 𝟔𝟔𝟎, hosi totál ne’e iha dadur ka dadur koondenadu hamutuk ema na’in 𝟱𝟰𝟵, dadur preventiva iha 𝟭𝟭𝟭 no dadur medida seguransa laiha.

𝗕𝗲𝗰𝗼𝗿𝗮, 𝗗í𝗹𝗶 (𝟰𝟰𝟴)

Dadur sira iha prizaun Becora hamutuk 448, hosi totál ne’e dadur kondenadu hamutuk (362) no dadur preventive 86.

Bazeia ba sexu, dadur mane (446), dadur feto (2), no dadur estranjeiru na’in-sia, enkuantu restu mesak Timoroan de’it no hosi dadur 448 ne’e dadur Juvenil (24) no dadur adultu hamutuk 424.

𝗚𝗹𝗲𝗻𝗼, 𝗘𝗿𝗺𝗲𝗿𝗮 (𝟭𝟬𝟱)

Dadur sira iha prizaun Gleno, Ermera hamutuk 105, hosi totál ne’e dadur kondenadu hamutuk (102), dadur preventiva na’in-tolu (3).

Bazeia ba sexu, dadur mane (92) no dadur feto (13) no dadur estranjeiru na’in-ida, enkuantu restu mesak Timoroan de’it, no hosi dadur 105 ne’e dadur adultu hotu de’it.

𝗦𝘂𝗮𝗶, 𝗖𝗼𝘃𝗮𝗹𝗶𝗺𝗮 (𝟭𝟬𝟳)

Prezu sira iha prizaun Suai hamutuk 107, hosi totál ne’e dadur hirak ne’e kondenadu hamutuk (85), dadur preventiva (22) no dadur hirak ne’e,  timoroan, mane ho idade adultu hotu kedan.

Ho nune’e hosi totál prezu 660 iha estabelesimentu Prizionál tolu, dadur koondenadu hamutuk 549 no dadur preventiva hamutuk 111.

Enkuantu dadur mane hamutuk 645 no dadur feto hamutuk 15, no dadur estanjeiru hamutuk 24, restu ne’e mesak Timoroan de’it no dadur adultu 639 ho dadur Juveníl 24.

𝗚𝘂𝗮𝗿𝗱𝗮 𝗣𝗿𝗶𝘇𝗶𝗼𝗻á𝗹 𝗶𝗵𝗮 𝗘𝘀𝘁𝗮𝗯𝗲𝗹𝗲𝘀𝗶𝗺𝗲𝗻𝘁𝘂 𝗣𝗿𝗶𝘇𝗶𝗼𝗻á𝗹 𝘁𝗼𝗹𝘂 (𝟮𝟬𝟲)

Aleinde dadur sira, iha mós Guarda Prizionál Timor-Leste ne’ebé hala’o knaar hodi tau-matan no asegura dadur sira iha Estabelesaimentu Prizionál Becora, Gleno no Suai ho totál 206 no hosi totál Guarda sira ne’e feto hamutuk 23.

Distribuisaun Guarda sira iha Estabelesimentu Prizionál tolu, Becora totál 134, hosi ne’e feto na’in 12 no mane 123.

Iha Estabelesimentu Prizionál Gleno, totál 35, feto na’in-hitu no mane na’in 28, ikus-liu iha Estabelesimentu Prizionál Suai totál 37 guarda prizionál, feto na’in-haat no restu mane hotu de’it.

Jornalista: Elio dos Santos da Costa