Connect with us
Pakote Ahi

Justisa & Krime

MP Alega Medida Koasaun Prizaun Preventiva Bá Diretór Ajénsia Viajen ho Inisiál SM

Published

on

Hatutan.com, (23 Outubru 2022), Díli-Ministériu Públiku (MP) reprezenta hosi Prokuradora Lídia Soares, alega medida koasaun prizaun preventiva bá diretór ajénsia viajen ida ho inisiál SM  tanba MP konsidera arguido SM  komete krime Tráfiku Umanu  ne’ebé previstu iha artigu 163 no 164 Kódigu Penál Timor-Leste.

Lee Mós : Komandu Operasaun Detein Diretór Ajénsia Viajen ida ho Inisiál SM

Arguido ho inisiál SM (tau faru detidu) dala-lia ho nia defeza Eustáquio Guterres iha TDD, Domingu (23/10/2022). Foto/Elio dos Santos da Costa

Liuhosi audiénsia primeira interrogatóriu iha Tribunál Distritál Díli (TDD) ne’ebé prezide hosi Juiz singular Álvaro Maria, adia hikas julgamentu ne’e bá Segunda (24/10/2022), hale’u tuku 14:00 Otl, hodi rona desizaun finál.

 Autoridade Seguransa no Defeza kompostu hosi Servisu Nasionál Intelijénsia (SNI), Servisu Informasaun Polísia (SIP), Servisu Informasaun Militár ho J2 FALINTIL-Forsa Defeza Timor Leste (F-FDTL), Sesta (21/10/2022), detein diretór ajénsia viajen ida iha Díli ho inisiál SM tanba iha relasaun ho kazu timoroan lubun ne’ebé  sai vítima no abandonu iha Portugál, inklui timoroan balun ne’ebé la konsege bá Portugál maske hatama osan ho montante $3000 kada ema.

Advertisement

Liuhosi audiénsia primeira interrogatóriu, Domingu (23/10/2022), Prokuradora Lídia Soares, imputa alega arguido SM prizaun preventiva, tanba halo rekrutamentu ilegál bá timoroan sira bá Portugál atu serbisu, infelizmente oras ne’e la hetan servisu, ho barak mak abandona no toba de’it iha jardín sira iha sidade Lizboa-Portugál.

Ministériu Públiku (MP) konsidera hahalok arguido SM nian ne’e prienxe duni krime ne’ebé maka imputadu bá arguido. Maske nune’e, parte Defeza liuhosi Defensór Públiku, Eustáquio Guterres, la aseita ho alegasaun  hosi MP, tanba medida koasaun ne’e la nesesáriu no la prienxe rekizitu.

“Ha’u nia pozisaun, medida koasaun ida ne’e la serve, tanba ne’e, la prienxe iha artigu 183, nia la halai, nia la halo krime ida, nia la halo kontinuasaun krime ida, entaun, aplika nia bá prizaun preventiva halo saida. Medida koasaun ne’ebé adekuadu liu mak aplika Termu Identidade Residensia (TIR) no sé todan liu, aprezentasaun periódika,” Defensor Públiku Eustáquio Guterres, hateten bá jornalista sira, hafoin fó asisténsia bá nia arguido durante prosesu primeiru interrogatóriu judisiál iha TDD.

Iha prosesu Primeiru Interrogatóriu ne’e, MP la imputa ho krime hira, maibé temi de’it katak, arguido haruka ema bá rai-li’ur, no nia hetan benefísiu hosi timoroan sira ne’e, no depois ne’e mak imputa nia ho krime tráfiku umanu.

“Tráfiku umanu ne’e arguido hetan  benefísiu saida? nia haruka ema bá servisu iha ne’ebá mós, nia la hetan osan hosi ema ne’ebé mak servisu. Nia hetan de’it benefísiu osan uitoan liuhosi ema haruka nia trata dokumentu, nia hetan osan hosi mina ne’ebé maka sira fó. Konserteza, kompañia ida, nia servisu, nia tenke hetan benefísiu. Osan ne’e mak inklui hanesan osan billete ne’ebé mak haruka bá mai, osan sira ne’ebé maka lezadu sira selu bá ne’e, hanesan selu bá ne’e. nia hetan kala purvolta ema ida $50 ka $60, maka ne’e de’it,” Defeza Eustáquio Guterres, haktuir.

Advertisement

Arguido ho inisiál SM. Foto/Elio dos Santos da Costa

Eustáquio Guterres, konsidera katak, alegasaun sira hosi MP ne’ebé husu bá juis TDD atu aplika medida koasaun Prizaun Preventiva ne’e, haree liubá posibilidade sira, karik nia kliente sei bele kontinua halo tán aktu ida ne’ebé mak rekruta timoroan sira bá estranjeiru.

Iha audiénsia julgamentu, arguido SM rasik mós deklara katak, sira nia kompañia ka Ajénsia New Generation, hetan lisensa hosi Governu, hodi bele hala’o atividade sira mak hanesan, trata dokumentu, bele haruka ema bá rai-li’ur.

“Arguido rasik dehan katak, nia seidauk haruka ema bá li’ur, maibé ema sira ne’e mak bá duni iha nia kompañia ne’e, hodi husu para nia trata dokumentu, hodi sosa billete, hodi ajuda nia para atu haruka sira bá iha li’ur. Mais arguido rasik, la promete ida ne’e bá iha lezadu sira, para dehan sira bá hetan servisu iha ne’ebá,” Eustáquio Guterres, haktuir.

Parte Defeza hosi arguidu ne’e afirma liután katak, ajénsia ne’ebé mak nia kliente dirije, ka lidera nu’udár ninia kompañia, nia serbvsu mak atu ajuda trata de’it dokumentu hosi timoroan sira ne’e, nune’e sira bele bá rai-li’ur.

Kona-bá timoroan sira hamutuk nain-14 ne’ebé konsidera nu’udár lezadu bá prosesu ida ne’e, la konsege tama liubá Portugál, tuir Eustáquio katak tanba iha ona regra foun seluk ne’ebé embaixada Portugál hamosu. Ho difikuldade ida ne’e maka, ikus mai, sidadaun nain-14 ne’e tenke fila-fali mai Timor-Leste.

Bainhira timoroan nain-14 ne’e fila, arguido SM rasik mak iha responsabiliza, hodi sosa fali billet aviaun nian  mai fila-fali TL, hodi hein to’o iha loron 01 fulan-Novembru 2022 maka sira bá fila-fali.

Advertisement

“Sira na’in-14 ne’e, úniku ida de’it mak husu fali ninia osan, hodi fó fila-fali osan bá nia, tanba sira lakohi bá fali. No na’in-13 ne’e, sira rasik ne’e mak husu, hela nafatin hamutuk ho arguido, sira rasik lakohi atu simu fila-fali nia osan, sira rasik mak dehan katak, lae, osan nafatin iha maun para maun trata dokumentu, maibé ami hakarak bá nafatin. Ne’e maka oras nafatin iha arguido, no arguido rasik prontu atu nia kompañia bele devolve fali ema nia osan,”  Eustáquio hateten.

Tan razaun hirak ne’e hotu maka, parte Defeza husu ba Tribunál atu aplika de’it medida koasaun Termu Identidade Rezidénsia (TIR) bá nia arguido, tanba tuir Eustáquio Guterres, medida ida ne’e maka kaman liu no karik fó todan liu maka, Aprezentasaun Periódika. 

Prosesu Primeiru Interrogatóriu ne’e Prezide hosi Juiz Singular Alvaro Maria, Ministériu Públiku (MP), reprezenta hosi Prokuradora Lídia Soares no arguidu hetan asisténsia legál hosi Defensór Públiku, Eustáquio Guterres.

 Arguidu SM to’o iha Tribunál Distritál Díli  haleu tuku 17:30 Otl no akompaña  husi Polísia Nasionál Serbisu Investigasaun Kriminál (PNSIK) ho kodisaun tau alzelma (borgol)  iha arguido nia liman no  hatais roupa deteidu nian.

 Hafoin deskansa minutu balun iha sela TDD, arguidu submete kedan ba interogatoriu  dahuluk iha oras 17:45 Otl. Nune’e, tuir observasaun Hatutan.com  iha resintu TDD nota katak, presensa arguidu SM iha TDD hetan akompaña ka solidariedade hosi membru Grupu Arte Rituál (GAR) Sete-Sete (77) tanba arguidu mós hanesan lideransa iha arte refere. 

Advertisement

Prosesu Primeiru Ineterogatoriu ne’e Prezide husi, Juiz singular Álvaro Maria, Ministeriu Públiku (MP) repezenta husi Prokuradora, Lidia Soares no arguido hetan asistensia legál hosi Defensor Publiku Eustaquio Guterres. 

Jornalista: Elio dos Santos da Costa

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Justisa & Krime

Kazu Taa iha Bebora, Tribunál Aplika Aprezentasaun Periódika Bá Arguido Na’in-rua

Published

on

Hatutan.com, (25 Fevereiru 2024), Díli -Tribunál Judisiál Primeira Instánsia Díli (TJPID), Domingu (25/02/2024), halo primeiru interrogatóriu bá arguido na’in-rua ho inisiál J no HM ne’ebé halo tentativa omisídiu hodi uza samurai taa sidadaun ida iha karreta Grand-Max laran iha área Bebora, Díli.

(more…)

Kontinua Le'e

Justisa & Krime

Kazu Farmásia Moris Foun, Tribunál Aplika Medida Koasaun 4 bá Arguido Sira no Husu Polísia Fó Fila Ai-moruk Item 150

Published

on

Hatutan.com, (24 Fevereiru 2024), Díli -Tribunál Judisiál Primeira Instánsia Dili (TJPID) liuhosi primeira interrogatóriu, Sábadu (24/02/2024), aplika medida koasaun haat (4) bá arguido na’in-tolu (3) nu’udár jerente bá Farmásia Moris Foun relasiona ho kazu hatama ai-moruk ilegál ho item 150.

(more…)

Kontinua Le'e

Justisa & Krime

Hatama Ai-moruk Ilegál Fó Prejuizu bá Estadu

Published

on

Hatutan.com, (23 Fevereiru 2024), Díli– Membru Parlamentu Nasionál hosi  Bankada CNRT, Patrocínio dos Reis Fernandes, husu bá autoridade polisiál, Ministériu Públiku no Tribunál atu prosesa kazu hatama ai-moruk ilegál tanba  fó prejuizu bá Estadu.

(more…)

Kontinua Le'e
Advertisement

Trending