crossorigin="anonymous">
Connect with us
Pakote Ahi

Internasionál

TL ho Korea Súl Sei Metin Liu-tán Iha Kooperasaun Ekonómika

Published

on

Hatutan.com, (09 Novembru 2022), Díli—Relasaun bilaterál entre Timor Leste (TL) ho Korea Súl sei metin liu-tán iha kooperasaun ekonómiku ne’ebé di’ak liu atu tulun nasaun foun ne’e ninia dezenvolvimentu.

Prezidente Repúblika (PR), José Ramos-Horta ko’alia iha ámbitu selebrasaun loron Korea Súl nian no tinan 20 relasaun diplomátika entre país rua, iha Hotel Timor, Díli, Kuarta (10/11/2022). Foto/Média PR.

“Ha’u espera katak relasaun ne’e sei aumenta no ita bele hakat ba investimentu atu sira bele loke fábrika ruma iha ita nia rain hodi kontribui ba Timor Leste nia dezenvolvimentu no kontribui ba empregu iha rai laran,” Prezidente Repúblika (PR), José Ramos-Horta hateten hafoin partisipa iha selebrasaun loron Korea Súl nian no tinan 20 relasaun diplomátika entre país rua, iha Hotel Timor, Díli, Kuarta (10/11/2022).

Lee Mós: Repúblika Korea Ninia Mehi Naruk no Laran Di’ak bá Benefísiu Mundiál

Relasaun entre TL ho Korea Súl metin loos no hein katak governu Koreia no povu Koreanu mós kontente ho amizade ne’ebé nasaun rua iha.

Advertisement
Monta Publisidade

Xefe Estadu hateten, kooperasaun entre Korea Súl ho Timor-Leste sei sai bo’ot no joven sira mós kontente estuda lingua Koreanu hodi kontinua ba servisu iha Korea Súl iha futuru, tanba povu Korea Súl haree istória Timor Leste nian hanesan ho istória Korea Súl nian.

“Korea do Súl mós uluk iha rai lubuk ida mak invade sira. Antes ne’e sira mós ki’ak rabat rai, entaun sira komprende Timor nia terus no Timor nia mehi, nune’e sira hakarak ajuda,” Xefe Estadu haktuir.

Nune’e mós Embaixadór Korea Súl iha Timor Leste, Kim Jeong Ho hateten ohin halo tinan rua nulu selebrasaun diplomátika entre Timor Leste no Korea do Súl, nune’e nasaun rua sempre apoiu-malu maka’as iha área oioin no liuliu komunidade internasionál, iha ne’ebé Timor Leste sempre fó apoiu kandidatura sira Korea Súl nian iha Nasaun Unidas no iha internasionál.

“Ho ida ne’e maka Korea Súl iha tinan 20 nia laran sempre apoia Timor Leste nia dezenvolvimentu iha area oioin. Espera katak, apoiu no amizade ida-ne’e sei nafatin la’o ba oin iha tinan sira mai,” Kim Jeong Ho hateten.

Tuir planu, hafoin selebrasaun ho bainaka espesiál sira, Embaixada Korea Súl hamutuk ho Ministériu Komérsiu no Indústria sei organiza konsertu múzika ida ba komunidade tomak iha Díli laran, ne’ebé sei realiza iha kampu futeból Kampung Alor, Kinta (10/11/2022) hodi hatudu ba povu Timor Leste tomak katak, relasaun entre nasaun rua metin nafatin no sei metin liu-tán iha futuru.

Advertisement
Monta Publisidade

Jornalista: Vito Salvadór

Kontinua Le'e
Advertisement
Monta Publisidade
Hakarak Hato'o Komentariu?

Husik Hela Komentariu

Your email address will not be published. Required fields are marked *

Internasionál

ONU Apresia Kontribuisaun Ramos-Horta bá Luta Kombate Má Nutrisaun iha TL

Published

on

Hatutan.com, (29 Novembru 2022), Díli—Organizasaun Nasoins Unidas (ONU) liu hosi programa Scaling Up Nutrition (SUN) apresia no fó valór ba esforsu Prezidente Repúblika (PR), José Ramos-Horta ne’ebé fó kontribuisaun boot ba hadi’a nutrisaun povu Timor Leste (TL).

(more…)

Kontinua Le'e

Internasionál

Rai Nakdoko Iha Cianjur-Indonézia: Ema Na’in 162 Mate

Published

on

Hatutan.com, (22 Novembru 2022), Díli— Rai nakdoko iha área Cianjur Provínsia Jawa Oeste, Indonézia ho nia magnitude 5,6 hamate ema na’in 162 iha Segunda (21/11/2022).

(more…)

Kontinua Le'e

Internasionál

BREAKING NEWS: ASEAN Simu Timor-Leste Hanesan Membru Bá Dala-11

Published

on

Hatutan.com, (11 Novembru 2022), Phnom Penh—Konferénsia Altu Nivel (KTT, sigla Indonézia) bá dala-40 ho 41 nasaun sira membru ASEAN nian ne’ebé hala’o  iha Phnom Penh, Cambodia, Sesta (11/11/2022), diskute isu relevante sira violénsia no impase polítika iha Myanmar no  liuhosi enkontru ne’e mós lider nasaun sira membru ASEAN  nian ein-prinsípiu konkorda simu adezaun Timor-Leste nian bá ASEAN hanesan membru bá dala-11 ho estatutu hanesan observadór.

(more…)

Kontinua Le'e

Trending