Hatutan.com, (24 Jullu 2023), Díli- Singapura hakarak atu esplora oportunidade no rekursu sira ne’ebé Timor-Leste iha no sei apoiu Timor-Leste nia adezaun bá organizasaun rejionál Asosiation of South East Asean Nation (ASEAN).

Lee Mós : Ramos-Horta Prefere TL Koopera ho Singapura Iha Área Intelijénsia Atu Kombate Krime Organizadu

Prezidente Repúblika, José Ramos-Horta, enkontru ho Ministru Negósiu Estranjeiru Singapura iha Palásiu Prezidensiál, Díli, Segunda (24/07/2023). Foto/Elio dos Santos da Costa

Ministru Negósiu Estranjeiru Singapura, Vivian Balahkrisnan bá jornalista sira iha Palásiu Prezidensiál, Segunda (24/07/2023), konsidera priviléjiu bele halo enkontru ho Prezidente Repúblika José Ramos-Horta ne’ebé sai belun di’ak povu nian no iha kolega no apoiante barak iha Singapura, partikularmente iha servisu sira bá programa maternidade ka inan isin rua no labarik  ne’ebé Xefe Estadu halo daudauk bá Timoroan sira.

“Timor Leste hanesan observadór permanente no membru bá organizasaun rejionál ASEAN nian no Xefe Estadu haree daudaun bá tinan 50 oin mai, bá prosesu dezenvolvimentu tuir mai bá povu Timor Leste,” Ministru Negósiu Estranjeiru Singapura, Vivian Balahkrisnan hateten.

Vivian Balahkrisnan ho Ramos-Horta halo diskusaun no konversa ida kle’an kona-bá asuntu lubuk ida ne’ebé Timor-Leste ho Singapura sei esplora hamutuk iha futuru.

“Ha’u priviléjiu no sente onradu iha ne’e, no ha’u hanoin katak oportunidade ida ne’e, hanesan tempu ne’ebé kapás atu servisu hamutuk bá povu Timor Leste,” Nia informa.

Jornalista: Vito Salvadór