Hatutan.com, (12 Novembru 2025), Díli– Primeiru-Ministru  Kay Rala  Xanana  Gusmão husu bá joven Timoroan  sira hotu atu hanorin  bá aan rasik  hodi kontribui bá Povu Timor-Leste no bá rai ida-ne’e.

Lee mós: Laiha Masakre Santa Krús Komunidade Internasionál Taka-Matan Mai Timor-Leste

Komemorasaun tinan-34 Masakre Santa Kruz, 12 Novembru 1991-2025. Foto/Marcelino Tomae

Iha minutu ida hakmatek ne’ebé preside husi Komandante ein-Xefe FALINTIL, Kay Rala  Xanana  Gusmão iha resintu semitériu Santa Krus, Kuarta (12/11/2025),  husu  entidafde sira hotu hakruk hodi presta omenajen  bá Joven Timoroan sira  iha tinan 34  liu-bá, 12 Novembru 1991,  hatudu bá mundu  katak  sira  bele mate bele fó aan mate  hodi Timor tenke ukun aan tuir direitu internasionál.

“Ho ida-ne’e ita hotu-hotu hakruk  husu bá sira  hodi tau matan nafatin bá ita  hodi hahalok ne’ebé  ohin loron ida-idak halo, respeita bá sira nia raan sira nia ruin  no mós sira ne’ebé sei moris buka halibur nafatin Joven sira hotu hodi  hanoin katak  ida-idak husu  bá nia aan rasik  saida maka bele fó rai ida-ne’e  bá povu ida-ne’e,” Xanana Gusmão hateten.

Komemorasaun  Masakre Santa Kruz  bá dala-34  no loron nasionál juventude tinan 2025 ne’e ho tema “ha’u ema Timor  orgullu ho ha’u nia Nasaun”.

Jornalista: Marcelino Tomae