Edukasaun
IX Governu Tenke Sériu Dezenvolve Sidade Universitária Ne’ebé Muda Hosi Aileu Mai Hera
Hatutan.com, (20 Marsu 2024), Díli—Reitór Universidade Nasionál Timor Lorosa’e (UNTL), João Soares Martins husu IX Governu atu sériu dezenvolve sidade universitáriu ne’ebé antes ne’e deside hodi muda ona hosi munisípiu Aileu mai Hera.
Reitór Universidade Nasionál Timor Lorosa’e (UNTL), João Soares Martins. Foto dok João Martins.
Reitor UNTL ne’e dehan, kona-bá sidade universitáriu Aileu inisia hosi VIII Governu hodi halo ona lansamentu no halo ona kompensasaun inklui selu rai afetadu sira iha munisípiu Aileu maibé agora paradu hela tanba IX Governu la preve bá kontinuasaun iha Orsamentu Jerál Estadu (OJE) 2024 nian.
Lee Mós: Osan Laiha, Projetu Sidade Universitáriu Aileu “Paradu”
“IX Governu deside kansela sidade universitáriu Aileu, agora atu destina bá fali Hera. Tanba ne’e ami husu Governu no Parlamentu Nasionál atu bele tau kompromisu bo’ot nune’e bele dezenvolve sidade universitariu ne’ebé mak dedikadu ona iha Hera,” João Soares Martins hateten iha Parlamentu Nasionál, hafoin halo audiénsia ho Komisaun G, Kuarta (20/03/2024).
Tuir João Soares Martins katak, iha Orsamentu Jerál Estadu tinan 2025 hosi UNTL sei propoin bá Governu atu bele hahú halo espansaun bá infraestrutura UNTL nian.
“Ami hahú ona fakuldade Agrikultura mak halo inaugurasaun iha fulan kotuk. Fakuldade ne’e sei funsiona iha tempu oin mai hamutuk ho fakuldade enjeñaria no sei aumenta bá fakuldade Medisina. Finalmente sei kobre bá fakuldade sanulu iha UNTL nia laran nune’e bá oin karik harii fakuldade 20 atu bele bá hotu Hera,” nia informa.
Iha fatin hanesan, Prezidente Komisaun G Parlamentu Nasionál ne’ebé trata asuntu Edukasaun Joventude Sidadania no Kultura, deputadu Armando dos Santos Lopez hateten, kona-bá sidade universitáriu iha munisípiu Aileu ne’ebé VIII Governu lansa, maibé Obra la kontinua, tanba ne’e desizaun agora daudaun hosi IX Governu nian katak, tenke fila hotu bá iha UNTL Hera.
“Tenke fila-hotu bá Hera hodi konsentra bá iha ne’ebá no rezidénsia estudante sira hosi munisípiu hotu-hotu sei konsentra mós iha Hera,” nia dehan.
Nia mós hato’o katak, UNTL mós preokupa tanba iha Orsamentu Jerál Estadu 2024 nian, IX Governu la preve hodi kontinua obra harii universitáriu Aileu ne’e.
Tanba ne’e, nia hatutan, iha OJE 2025 nian nia rekomenda bá sira katak, tenke mai hato’o preokupasaun sira ne’e iha uma-fukun ne’e atu deputadu sira tenta ho Ministériu Ensinu Superiór oinsa bele haree iha tinan 2025 hodi preve orsamentu ba ida-ne’e.
Jornalista Estajiária: Zita Menezes
Se Lós Mak Kualifikadu Sai Núdar Prezidente Timor-Leste iha 2028?
Xanana Alega Na’in Bá Empreza Lighthouse Fraude Boot Iha Austrália
Katuas-Oan Baku Ferik-Oan Nu’udár Inspetora Asistente Polísia iha Kuartel Jerál PNTL
Kazu Bucket Truck, Prezidente EDTL,E.P Deside Devolve Ba Empreza Fornesidór Haksolok Group
Deskonfia Pesoál F-FDTL no PNTL Involve Hatama Motór RX-King Ilegal
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Polítika1 week agoParlamentu Nasionál Aprova Lei Pratika Arte-Marsiál iha Jeneralidade, FRETILIN Vota Abstensaun
-
Defeza & Seguransa3 days agoKomisáriu Asistente Afonso dos Santos Husu Membru PNTL Servisu Tuir Leí no Regulamentu
-
Justisa & Krime4 days agoMane ida Deskonfia Moras Mentál Sona Reinaldy To’o Mate no Na’in-rua Seluk Kanek
-
Defeza & Seguransa1 week agoMembru PNTL 100-Resin Tama Idade Reforma, La Inklui Komandante Jerál Afonso dos Santos
-
Edukasaun1 week agoDubes Okto Dorinus Manik Telah Memfasilitasi 1.700 Beasiswa Bagi Warga Timor Leste
-
Justisa & Krime3 days agoDeskonfia Pesoál F-FDTL no PNTL Involve Hatama Motór RX-King Ilegal
-
Nasionál1 week agoPosibilidade Timor-Leste Enfrenta Diminui Asesu Eletrisidade Oras Neen Kada Loron
-
Defeza & Seguransa1 week agoMinistru Interiór Francisco Guterres Mak Hatun Despaixu Demoradu Promosaun Diviza Ba Julia da Gama