Hatutan.com, (23 Dezembru 2024), Díli–Ministériu Komersiu Industria (MCI, sigla portugés) liuhosi Diresaun Nasionál Regulasaun Komersiál no Protesaun Konsumidór sira ( DNRKPK) relata dadus trimestere da-haat, hosi fulan-Outubru to’o fulan-Dezembru 2024 ba presu sasan iha merkadu normal.

Ministru Komérsiu no Indústria (MKI), Filipus Nino Pereira, halo vizita bá Merkadun Manleuana, Díli, Sesta (28/07/2023). Foto/Dok.Elio dos Santos da Costa

Diretora  DNRKPK, Manuela da Silva Tilman husu ba komunidade sira, relasiona ho selebrasaun loron Natal 2024 no tinan foun 2025, komunidade sira lalika paniku ho folin nesesidades  baziku iha merkadu tanba DNRKPK ne’ebé tutela ba Diresaun Jerál Komérsiu hakarak relata ba públiku katak lalika hakfodak folin sasan iha merkadoria  tanba tuir MCI nia observa folin sasán dau-daun ne’e lao normal to’o loron bo’ot remata.

Bá jornalista sira liuhosi konferénsia imprensa, Segunda (23/12/2024), iha  edifísiu DNRKPK, Manuela Tilman husu ba komunidade sira atu kolabora hamutuk ho MCI nune’e bainhira iha empreza balun mak tenta halo manipulasaun ba presu sasán bele hato’o keixa no reklamasaun.

Dau-daun ne’e ekipa ka funsionariu husi MCI iha kada munisípiu kontinua halo monitorizasaun ba folin sasán iha merkadu hodi tau atensaun ba nesesidade sira hotu, no mós ba sasán sira ne’ebe mak la mensiona iha relatóriu ne’e.

MCI mós halo hela monitorizasaun ba na’an sira ne’ebé fa’an iha merkadu no iha  informasaun katak na’an importasaun balun iha Oé-Cusse ho kondisaun ladún di’ak, nune’e husi parte AIFAESA halo kedan fiskalizasaun hamutuk ho DNRKPK.

Relatoriu presu ba nesesidade baziku sira ne’e mak hanesan :

• Fos

1. Fos husi india ho marka Amor de familia 20 kg $ 12,25 no 25 kg $ 15.50
2. Fos husi Thailandia ho marka gostu los 20 kg $ 12,75 no 25kg $ 16
3. Fos husi Vietnam ho marka Folsom 20 kg $ 18
4. Fos husi Cina ho marka manu vitoria 20kg $12,75 25kg $16
5. Fos husi India ho marka sabur do Amor 25kg $15,25
6. Fos husi India Beruang Mera $ 16,25
7. Fos husi Pakistan ho marka Colombus $15,75

• Masin–midar

1.Masin-midar husi india kada sakas 50 kg agora dadaun tun husi $ 33,37. to 40

2. Masin-midar 5kg $ 4,50
3. Masin-midar 2kg $ 1,50
4. Masin-midar Ikg $ 1,00

• Mina Kuziña

1. Mina Bimoli 5ltr kaixa ida $. 26.50 jergen ida $7,50
2. Mina Colombus 4.3 ltr kaixa ida $.23,50 jergen ida $ 6,50
3. Mina Gostu Los 4,5 ltr Kaixa ida $.25.00 jergen ida $ 6,50
4. Mina Sania 2 ltr kaixa ida $.17. 00 masa ida $ 300-3,50
5. Mina Bimoli 2ltr kaixa ida $17.00 masa ida S 3.25-3,50

• Manu-tolun lokal

1. Kaixa Ida kategoria A $59,00 kada rak $ 5.50
2. kategoria B $56,00 kada rak $ 4,65,3. kategoria C $ 53,00 kada rak $3,75
3. kategoria D $ 45,00, kada rak $ 3,50

• Terigu

1. Terigu ho marka tali biru kada sakas 25kg $ 16,35
2. Terigu ho marka Tali biru kada sakas 25kg $ 16,75
3. Terigu ho marka falcom kada sakas 25kg $ 15,75
4. Terigu marka kompas 1kg kada kaixa, $7,5 kada kilo 0’95-100
5. Terigu marka bola salju 1kg kada kaixa $ 7,5 kada kilo 0,95-100

• Supermi

1. Mie sedap soto kada kaixa $ 6,70
2. Mie sedap Goreng kada kaixa $ 7.10
3. Mie sedap Koreia kada saka $7.10

Jornalista: Leopoldina de Carvalho